28 March 2024 2:33 PM
अँप डाउनलोड
बातम्या फ्लॅश
Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल? Reliance Share Price | होय! भरवशाचा रिलायन्स इंडस्ट्रीज शेअर पैसे दुप्पट करणार, तज्ज्ञांकडून मोठी टार्गेट प्राइस जाहीर Gold Rate Today | बापरे! आज सोन्याचा भाव प्रचंड महाग झाला, पटापट तुमच्या शहरातील वाढीव दर तपासून घ्या Zomato Share Price | झोमॅटो शेअरने ब्रेकआऊट दिला, अल्पावधीत मोठी कमाई होणार, पुढील टार्गेट प्राइस जाणून घ्या Jai Balaji Share Price | कुबेर कृपा करणारा 42 रुपयाचा शेअर! 1 वर्षात 2400% परतावा दिला, पुढेही मल्टिबॅगर? IRFC Vs RVNL Share | या शेअरने 1 वर्षात दिला 297% परतावा, आता कंपनीबाबत मोठी अपडेट, स्टॉकवर परिणाम होणार? Adani Power Share Price | अदानी पॉवर कंपनीबाबत मोठी अपडेट आली, शेअरवर परिणाम होणार? तज्ज्ञांनी काय सल्ला दिला?
x

32 वर्षीय आदित्य ठाकरेंना जनतेचा राज्यभर प्रचंड प्रतिसाद मिळतोय | शिंदे गटातील सर्व 40 आमदार लक्ष करण्यासाठी एकवटले

Aaditya Thackeray

Aaditya Thackeray | शिवसेनेविरोधात बंडखोरी केल्यानंतर एकनाथ शिंदेंसह ४० आमदार गुवाहाटीला गेले होते. त्यावरूनच पावसाळी अधिवेशनादरम्यान शिवसेनेसह महाविकास आघाडीतील आमदार त्यांच्याविरुद्ध ५० खोके एकदम ओके, ताट-वाटी चलो गुवाहाटी, ५० खोके खाऊन खाऊन माजलेत बोके, अशी घोषणाबाजी केली जातेय. त्यातूनच बुधवारी विधानभवनाच्या पायऱ्यांवर राडा झाला.

दरम्यान, विधीमंडळ अधिवेशनाच्या शेवटच्या दिवशी शिंदे गटाच्या आमदारांनी थेट शिवसेना नेते आणि युवासेना प्रमुख आदित्य ठाकरे यांनाच लक्ष्य केले आहे. शिंदे गटाच्या आमदारांनी विधीमंडळांच्या पायऱ्यावर आदित्य ठाकरे यांचे घोड्यावर उलट्या दिशेने बसलेल्या व्यंगचित्राचे बॅनर झळकावत घोषणाबाजी केली.

आदित्य ठाकरे यांच्याविरोधात बॅनरबाजी :
आदित्य ठाकरे यांच्याविरोधात शिंदे गटाने बॅनर, घोषणांचे बॅनर झळकावत घोषणाबाजी केली. बॅनरवर शिंदे गटाने ‘महाराष्ट्राचे परम पूज्य (प पु) युवराज’ असा बॅनर झळकावला. या बॅनरवर आदित्य ठाकरे यांचे घोड्यावर उलट दिशेने बसलेले व्यंगचित्र आहे. घोड्याचे तोंड हिंदुत्वाच्या दिशेने असून आदित्य यांचे तोंड महाविकास आघाडीकडे असल्याचे दाखवण्यात आले. वर्ष 2014 मध्ये 151 चा हट्ट करत युती बुडवली, 2019 मध्ये खुर्चीसाठी हिंदुत्वाची विचारधारा पायदळी तुडवली अशी घोषणा होती.

आदित्य ठाकरेंना आमदारांच्या मतदारसंघात जनतेचा तुफान प्रतिसाद :
दरम्यान, शिवसेना नेते आदित्य ठाकरे यांनी ४० बंडखोर आमदारांच्या मतदारसंघात जोरदार सभा आयोजित करण्याचा सपाटा लावला आहे. विशेष म्हणजे या सभांना स्थानिक जनतेचा आणि सामान्य शिवसैनिक ते पदाधिकाऱ्यांचा मोठ्या प्रतिसाद मिळत असल्याने बंडखोर आमदारांचा तिळपापड होतं असल्याचं यापूर्वीच पाहायला मिळालं आहे. त्याचे पडसाद आज विधानभवनाच्या पायऱ्यांवर पुन्हा पाहायला मिळाले आहेत. शिंदे गटातील सर्वच्या सर्व म्हणजे ४० आमदारांनी आदित्य ठाकरेंच्या विरोधात विशेष तयारी केल्याचं पाहायला मिळालं. बॅनर्स आणि आदित्य ठाकरेंविरोधात घोषणाबाजीनंतर पत्रकारांना सुद्धा संबोधित केले. त्यामुळे या आमदारांवर एकट्या आदित्य ठाकरेंनी काय वेळ आणली आहे अशी जोरदार चर्चा समाज माध्यमांवर सुरु झाली आहे.

सामानातून टीकास्त्र :
बंडखोरी करून मुख्यमंत्री बनलेल्या एकनाथ शिंदेसह शिंदे गटातील आमदारांना शिवसेना ‘सामना’तून सातत्यानं लक्ष्य करत आहे. पावसाळी अधिवेशनादरम्यान विधानभवनाच्या पायऱ्यांवर राडा झाला. यावरून आता शिवसेनेनं शिंदे गटावर टीकेचे बाण डागले आहेत. भरत गोगावले यांनी केलेल्या विधानावरही शिवसेनेनं बोट ठेवलं असून, गुवाहाटीफेम सिनेमा महाराष्ट्र डब्यात घालेल, असा इशारा दिला आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: CM Eknath Shinde Supporters attacking Shivsena leader Aaditya Thackeray check details 25 August 2022.

हॅशटॅग्स

#Aaditya Thackeray(9)

संबंधित बातम्या

राहुन गेलेल्या बातम्या

x