जम्मू-काश्मीरमधील भाजपा नेते वसीम बारी यांची अतिरेक्यांकडून गोळ्या घालून हत्या

श्रीनगर, ९ जुलै : जम्मू-काश्मीरच्या बंदीपोरा येथे भाजपा नेते वसीम बारी यांची अतिरेक्यांनी बेछूट गोळीबार करून हत्या केल्याची घटना काल बुधवारी रात्री ९ वाजण्याच्या सुमारास घडली. वसीम यांच्या बंदीपोऱ्यातील दुकानाजवळ जाऊन अतिरेक्यांनी बेछूट गोळीबार केला. या गोळीबारात वसीम यांचे वडील बशीर अहमद आणि भाऊ उमर सुल्तान यांचादेखील मृत्यू झाल्याची माहिती जम्मू-काश्मीरचे पोलीस महासंचालक दिलबाग सिंह यांनी दिली.

जम्मू आणि काश्मीरच्या सीमारेषेवर दहशतवादी आणि भारतीय सैन्यांमध्ये सातत्यानेच चकमक सुरु असल्याचे पाहायला मिळत आहे. मात्र, यावेळी दहशतवाद्यांनी बांदीपोरा जिल्ह्यातील भाजप नेते वसिम बारी यांच्या कुटुंबावर हल्ला करत तिघांना ठार केले. हल्ल्यानंतर तात्काळ घटनास्थळावरून या दहशतवाद्यांनी धूम ठोकली. या घटनेची माहिती मिळताच पोलिसांनी घटनास्थळी दाखल होत संपूर्ण परिसर सील केला आहे. तसेच, वसिमच्या सुरक्षेसाठी तैनात असलेल्या 8 पीएसओंना चौकशीसाठी ताब्यातही घेण्यात आले आहे.

Over the telephone, PM @narendramodi enquired about the gruesome killing of Wasim Bari. He also extended condolences to the family of Wasim.

— Dr Jitendra Singh (@DrJitendraSingh) July 8, 2020

भाजपाचे राष्ट्रीय अध्यक्ष जे. पी. नड्डा यांनी वसीम यांच्या निधनावर शोक व्यक्त केला. ‘आज आपण बंदीपोऱ्यात वसीम बारी, त्यांचे वडील आणि भाऊ गमावले आहेत. हे पक्षाचे खूप मोठे नुकसान आहे. आम्ही त्यांच्या कुटुंबियांच्या दु:खात सहभागी आहोत. त्यांचे बलिदान व्यर्थ जाणार नाही’, असे जे. पी. नड्डा म्हणाले.

News English Summary: BJP leader Wasim Bari was shot dead by militants at Bandipora in Jammu and Kashmir around 9 pm on Wednesday. The militants opened fire indiscriminately near Wasim’s Bandipora shop.

News English Title: BJP leader Wasim Bari was shot dead by militants at Bandipora in Jammu and Kashmir around on Wednesday News Latest Updates.