तेव्हा त्यांनी २१ दिवसांत युद्ध जिंकू असा दावा केला होता | आता दुसरं युद्ध - चिदंबरम

नवी दिल्ली, १२ एप्रिल: देशात कोरोनाने थैमान घातले आहे. रुग्णांची संख्या झपाट्याने वाढत आहे. तर अनेकांचा मृत्यू झाला आहे. येत्या 11 ते 14 एप्रिलपर्यंत ‘लसीकरण उत्सव’ साजरा केला जाणार असल्याची घोषणा पंतप्रधान नरेंद्र मोदी यांनी केली आहे. यावरून आता माजी अर्थमंत्री पी चिदंबरम यांनी मोदी सरकारवर टीकास्त्र सोडलं आहे.

काँग्रेस नेते आणि माजी अर्थमंत्री पी चिदंबरम यांनी ट्विट करत लसीकरण मोहीम उत्सव आहे की युद्द अशी विचारणा केली आहे. यावेळी त्यांनी मोदींनी लॉकडाउन जाहीर करताना २१ दिवसांत युद्ध जिंकू अशी घोषणा केली होती, त्याचीही आठवण करुन दिली.

माजी अर्थमंत्री पी चिंदबरम यांनी ट्विटमध्ये म्हटलं आहे की, “एकदा सरकार म्हणतं की, लसीकरण मोहीम उत्सव आहे. दुसऱ्या दिवशी म्हणतं…दुसरं युद्ध आहे. नेमकं काय आहे?”. पुढे ते म्हणाले आहेत, “पंतप्रधानांनी पहिला लॉकडाउन जाहीर केला तेव्हा त्यांनी २१ दिवसांत युद्ध जिंकू असा दावा केला होता. यावेळी त्यांनी महाभारतातील युद्धाशी तुलना केली होती जे १८ दिवसांत जिंकलं होतं. त्याचं काय झालं?”.

एक दिन सरकार टीकाकरण अभियान को एक ‘त्योहार'(उत्सव) कहती है। दूसरे दिन, इसको ‘दूसरा युद्ध’ कहती है। यह क्या है?

— P. Chidambaram (@PChidambaram_IN) April 12, 2021

News English Summary: Former Finance Minister P Chidambaram said in a tweet, “Once the government says, the vaccination campaign is a celebration. The next day he says, “There is another war.” What exactly is it? ”. He further said, “When the Prime Minister announced the first lockdown, he claimed to have won the war in 21 days. This time he compared it to a battle in the Mahabharata which was won in 18 days. What happened to him? ”.

News English Title: Congress leader P Chidambaram slams Modi govt over Corona vaccine Utsav news updates.