चिनी कंपन्यांना महामार्गाचे कंत्राट मिळणार नाही, केंद्रीय मंत्री नितीन गडकरींची योजना

नवी दिल्ली, १ जुलै : चिनची आर्थिक नाडी पकडण्यासाठी केंद्र सरकारने दोनच दिवसांपूर्वी डिजिटल स्ट्राईक करून टिकटोकसह 59 अँपना बंदी आणली. आता केंद्र सरकार कडून आणखी एक पाऊल उचलले गेले आहे. त्यानुसार चिनी कंपन्यांना राष्ट्रीय महामार्गाच्या प्रकल्पात सहभागी करुन घेतलं जाणार नाही असा निर्णय केंद्र सरकारने घेतला आहे. केंद्रीय भूपृष्ठ वाहतूक व महामार्ग, सूक्ष्म, लघू आणि मध्यम उद्योग मंत्री नितीन गडकरी यांनी ही घोषणा केली आहे. पीटीआयशी बोलताना नितीन गडकरी यांनी ही माहिती दिली.

India will not allow Chinese companies to participate in highway projects, including those through joint ventures: Union Minister Nitin Gadkari

— Press Trust of India (@PTI_News) July 1, 2020

भारतातील अनेक रस्ते महामार्गाचे कंत्राट चिनी कंपन्यांना दिले जाते. त्यामुळे यापुढे कोणत्याही चिनी कंपन्यांना कंत्राट दिले जाणार नाही तसेच भागीदारीच्या माध्यमातूनही कोणत्याच चिनी कंपनीला देशातील रस्तेनिर्माण क्षेत्राशी संबंधित काम दिले जाणार नाही,” असं नितीन गडकरी यांनी स्पष्ट सांगितलं आहे. भारतीय कंपन्यांना या नव्या नियमामुळे चिनी कंपन्यांपासून फारकत घ्यावी लागणार आहे. अन्यथा त्यांनाही कंत्राट मिळणार नाही असं नितीन गडकरी यांनी सूचित केलं आहे.

“चीन सहभागीदार असणाऱ्या कंपन्यांना रस्ते बांधण्याची परवानगी आम्ही देणार नाही. आम्ही यासंबंधी कठोर निर्णय घेतला असून जर चिनी कंपन्यांनी भागीदार असलेल्या कंपनीच्या माध्यमातून आपल्या देशात येण्याचा प्रयत्न केला तर रोखण्यात येईल,” असं नितीन गडकरी यांनी सांगितलं आहे. नितीन गडकरी यांनी यावेळी लघु, लघु आणि मध्यम उद्योगांपासून चिनी गुंतवणुकदारांना लांब ठेवण्यात येईल असंही सांगितलं आहे.

गलवान घाटीमध्ये हिंसक घटना घडल्यानंतर भारतात #BoycottChina मोहिम सुरु झाली. यानंतर रेल्वेने मोठा निर्णय घेत चिनी कंपनीला दिलेले 471 कोटींचे कंत्राट रद्द केले होते. 16 जूनला गलवानमध्ये 20 शहीद झाले होते. रेल्वेने हा निर्णय 18 जूनला घेतला होता. तर बीएसएनएल आणि एमटीएनएलने चीनच्या कंपन्यांना दिलेले 4जी चे कंत्राट आजच रद्द केले आहे. केंद्र सरकारने मंगळवारी चीनच्या 69 अ‍ॅपवर बंदी घातली होती. यामध्ये टिकटॉक, हॅलो, युसी वेब आदी अ‍ॅप आहेत.

News English Summary: The central government has decided not to involve Chinese companies in the national highway project. The announcement was made by Union Minister for Land Transport and Highways, Micro, Small and Medium Enterprises Nitin Gadkari.

News English Title: India Will Not Allow Chinese Companies To Participate In Highway Projects Says Nitin Gadkari News Latest Updates.