संतापजनक | छत्रपती शिवाजी महाराजांचा पुतळा कर्नाटक सरकारने रातोरात हटवला

कोल्हापूर, 8 ऑगस्ट: बेळगाव जिल्ह्यातील मनगुत्ती गावातील छत्रपती शिवाजी महाराजांचा पुतळा रातोरात हटवण्यात आला आहे. या घटनेमुळे शिवभक्तांमध्ये संतापाची लाट पसरली आहे. या घटनेच्या पार्श्वभूमीवर महाराष्ट्रातील शिवभक्त रविवारी (9 ऑगस्ट) कर्नाटकात जाऊन आंदोलन करणार असल्याची माहिती स्थानिक माध्यमांनी दिली आहे.

शिवाजी महाराजांचा पुतळा सरकारनं रातोरात हटवला, शिवभक्तांमध्ये संतापाची लाट#shivajimaharaj #Karnataka #kolhapur pic.twitter.com/Vf8h2ridib

— News18Lokmat (@News18lokmat) August 8, 2020

बेळगाव जिल्ह्यातील मनगुत्ती गावात छत्रपती शिवाजी महाराजांचा पूर्णाकृती पुतळा बसवण्यात आला होता. मात्र, पुतळा हटवण्यासाठी पोलिसांनी दबाब आणला होता. मनगुत्ती येथील नागरिक यासाठी रस्त्यावर उतरले होते. तेव्हा कुठे पोलिसांचा दबाब कमी झाला होता. मनगुत्ती ग्रामपंचायतीच्या परवानगीनं शिवाजी महाराजांच्या पुतळा बसवण्यात आला आहे. मात्र, आता हाच पुतळा कर्नाटक सरकारनं हटवला आहे.

सरकारच्या आदेशानंतर रातोरात पोलिस बंदोबस्तात पुतळा हटवण्यात आला आहे. या घटनेनंतर महाराष्ट्र-कर्नाटक सीमेवरील शिवभक्तांमध्ये संतापाची लाट पसरली आहे. छत्रपती शिवाजी महाराजांच्या पुतळ्याचे कर्नाटक सरकारला वावडे का?, असा सवाल आता उपस्थित करण्यात येत आहे.

News English Summary: The statue of Chhatrapati Shivaji Maharaj in Mangutti village in Belgaum district has been removed overnight. This incident has caused a wave of anger among Shiva devotees. Local media has reported that Shiva devotees from Maharashtra will go to Karnataka on Sunday to protest against the incident.

News English Title: Shivaji Maharaj statue removed by the Karnataka government anger among Shiva devotees Kolhapur News Latest Updates.