मुख्यमंत्र्यांशी चर्चेनंतर मोदी-शहांमध्ये महत्वाची बैठक; १ जूनपुढील योजना?

नवी दिल्ली, २९ मे : आपत्कालीन वैद्यकीय सेवा, रुग्णालयांची उपलब्धता, विलगीकरण आणि कॉरेंटाईन सुविधा या बाबींची जबाबदारी असलेल्या केंद्र सरकारच्या पॅनलने मोदी सरकारला लॉकडाऊनबाबत काही शिफारशी केल्या आहेत. यापुढे लॉकडाऊन वाढवण्यात येऊ नये, अशी शिफारस केल्याचं वृत्त ईटीने दिलं आहे. लॉकडाऊन ४ हे ३१ मे रोजी संपणार आहे. पण त्यानंतर काय असा प्रश्न पडलेला असतानाच या पॅनलने सरकारसमोर एक्झिट प्लॅन सादर केला आहे.

‘देशात आता राष्ट्रीय लॉकडाऊन सुरू ठेवू नये असा सल्ला देण्यात आला आहे. दरम्यान, जिथे केसेस वाढत आहेत, तिथे अत्यंत आक्रमकपणे चाचण्या आणि ट्रेसिंगसह कडक निर्बंध ठेवणे आवश्यक आहे’, अशी प्रतिक्रिया या गटातील एका सदस्याने दिली.

पंतप्रधान नरेंद्र मोदी आणि अमित शहा यांनी राज्यांच्या मागणीचा विचार केल्यास लॉकडाऊन ५ चा टप्पा सुरु होण्याची शक्यता आहे. तसेच या टप्प्यात अन्य व्यवसायांनाही सूट दिली जाऊ शकते. मात्र, ज्या शहरामध्ये कोरोनाचे रुग्ण जास्त आहेत त्या दिल्ली, मुंबई, बेंगळुरू, पुणे, ठाणे, इंदौर, चेन्नई, अहमदाबाद, जयपूर, सूरत आणि कोलकाता याकडे केंद्र सरकार जास्त लक्ष केंद्रीत करणार आहे. शाळा-कॉलेज बंद राहण्याची शक्यता आहे. तर आंतरराष्ट्रीय विमानोड्डानेही बंद ठेवण्यात येतील. धार्मिक स्थळांना सूट मिळू शकते. याचा निर्णय राज्य सरकारांवर देण्यात येणार आहे. काही राज्यांमध्ये सलून उघडले आहेत. तर जिम आणि शॉपिंग मॉल उघडण्याच्या निर्णयही राज्य सरकारांवरच सोपविला जाण्याची शक्यता आहे.

मुंबई, पुणे, दिल्ली, बंगळुरु, ठाणे, इंदौर, चेन्नई, अहमदाबाद, जयपूर, सुरत आणि कोलकाता या ११ प्रमुख शहरांमध्ये कोरोना रुग्णांची संख्या जास्त आहे. त्यामुळे ३१ मेनंतर लॉकडाऊन वाढवला जाऊ शकतो, अशी शक्यता वर्तवली जात आहे. दरम्यान, पंतप्रधान नरेंद्र मोदी हे ३१ मे रोजी ‘मन की बात’ या कार्यक्रमातून देशाला संबोधित करणार आहेत. यावेळी ते देशात लॉकडाऊन वाढवला जाणार की नाही, यावर स्पष्टीकरण देण्याची शक्यता आहे.

News English Summary: The central government panel, which is responsible for emergency medical services, availability of hospitals, segregation and quarantine facilities, has made some recommendations to the Modi government regarding lockdown. ET has recommended that the lockdown should not be extended any further.

News English Title: Two empowered government panels want Covid 19 lockdown lifted News Latest updates.