आज राज्यात सर्वाधिक ५४९३ कोरोना रूग्णांची वाढ

मुंबई, २८ जून : कोरोनाचा शिरकाव झाल्यापासून राज्यात एका दिवसात पहिल्यादांच बाधित झालेल्या रुग्णांची उच्चांकी नोंद झाली. गेल्या तीन दिवसांपासून राज्यात पाच हजारांपेक्षा अधिक रुग्ण आढळून येत असून आज उच्चांकी नोंद झाली आहे. त्यामुळे राज्यातील करोना बाधित रूग्णांचा आकडा १ लाख ६४ हजार ६२६ इतका झाला आहे. तर दोन हजार ३३० रुग्णांना दिवसभरात डिस्चार्ज देण्यात आला आहे. राज्याचे आरोग्यमंत्री राजेश टोपे यांनी ट्विट करून आकडेवारी जाहीर केली.

राज्यात आज 5493 कोरोना बाधीत रुग्णांची वाढ झाली व एकूण संख्या आता 164626 अशी झाली आहे. आज नवीन 2330 कोरोना बाधित रुग्ण बरे झाले आहेत. एकूण 86575 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 70607 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) June 28, 2020

महाराष्ट्रात राज्यात आज 5493 रुग्णांची वाढ झाली आहे. तर 2330 रुग्णांना डिस्चार्ज देण्यात आला आहे. आतापर्यंत राज्यात 86,575 रुग्णांनी कोरोनावर मात केली आहे. राज्यात सध्या 70,607 रुग्णांवर रुग्णालयाचत उपचार सुरु आहेत. राज्याच आज 156 रुग्णांच्या मृत्यूंची नोंद झाली आहे. ज्यापैकी 60 मृत्यू हे मागील 48 तासातील आहेत. तर इतर 96 मृत्यू हे मागील कालावधीतील आहेत.

सध्या राज्यात मृत्यूदर 4.51 एवढा आहे. राज्यातील रिकव्हरी रेट आता 52.59 टक्क्यांवर पोहोचला आहे. 9,23,502 नमुन्यांपैकी 1,64,626 नमुने हे कोरोना पॉझिटिव्ह आले आहेत. सध्या राज्यात 5,70,475 लोकं होम क्वारंटाईन असून 37,350 लोकं हे संस्थात्मक क्वारंटाईन आहेत. आज मृत्यू झालेल्या रुग्णांमध्ये मुंबईतील 64, ठाण्यातील 24, जळगावमधील 6, जालन्यातील 1 आणि अमरावतीमधील एका रुग्णाचा समावेश आहे.

News English Summary: The current count of COVID19 patients in the state of Maharashtra is 164626. Today,newly 5493 patients have been identified as positive.Also newly 2330 patients have been cured today,totally 86575 patients are cured & discharged from the hospitals Total Active patients are 70607.

News English Title: Maharashtra State Records 5493 New Covid 19 Cases News Latest Updates.