नारायण राणेंची ED चौकशी होणार या भीतीनेच सरळ भाजपमध्ये पळ काढला

कणकवली, ३० डिसेंबर: नारायण राणेंची ईडी चौकशी होणार या भीतीने त्यांनी सरळ भारतीय जनता पक्षात पळ काढला, त्यामुळे राणेंना संजय राऊत यांच्यावर बोलण्याचा अधिकार नाही”, अशी खरमरीत टीकाही शिवसेनेचे आमदार वैभव नाईक यांनी नारायण राणेंवर केली. ते सिंधुदुर्गात माध्यमांच्या प्रतिनिधींनी बोलत होते.

भाजप नेते नारायण राणेंनी मागील १० वर्षे अनेक आव्हाने आणि भविष्यवाणी केली. काँग्रेसमध्ये असताना मी मुख्यमंत्री होणार त्यानंतर शिवसेना विसर्जित करणार, अशा वेगवेगळ्या घोषणा त्यांनी केल्या होत्या. या त्यांच्या घोषणांचं पुढे काय झालं हे लोकांना माहीत आहे, असं टीकास्त्रही वैभव नाईकांनी सोडलं. त्यामुळे राणेंच्या भविष्यवाणीला आता लोक काडीची किंमत देत नाहीत, अशा शब्दांत शिवसेना आमदार वैभव नाईक यांनी राणेंचा समाचार घेतलाय.

मागील १ वर्ष महाविकास आघाडीचे सरकार कोसळेल, असं राणे अनेक वेळा म्हणाले होते. परंतु एक वर्षाच्या कालावधीनंतर हे सरकार अजून भक्कम झालं. तसेच भारतीय जनता पक्षामध्ये गेलेले अनेक आमदार हे पुन्हा शिवसेना, काँग्रेस, राष्ट्रवादीत पुन्हा येतायत आणि पोटनिवडणूक लढवण्याची त्यांची मानसिकता तयारी झाली, अशी माहिती देखील शिवसेना आमदार वैभव नाईकांनी दिली आहे.

News English Summary: Fearing that Narayan Rane’s ED would be investigated, he fled straight to the Bharatiya Janata Party, so Rane has no right to speak against Sanjay Raut, ”said Shiv Sena MLA Vaibhav Naik. He was speaking to media representatives at Sindhudurg.

News English Title: Shivsena MLA Vaibhav Naik made serious allegations over BJP MP Narayan Rane news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.