शेतकरी आंदोलनात भाजपचा एक गट घुसल्यानं आंदोलन हिंसक - संजय राऊत

मुंबई, २८ जानेवारी: दिल्लीत प्रजासत्ताक दिनाच्या दिवशी शेतकरी आंदोलनाला हिंसक वळण लागल्याने सर्वच स्तरांतून यावर तीव्र प्रतिक्रिया उमटत आहेत. दिल्लीतल्या आंदोलनात महाराष्ट्रातल्या शेतकरी महिलेचाही मृत्यू झाल्यानं राज्यातही खळबळ उडाली आहे. यावर आता शिवसेनेचे खासदार आणि संजय राऊत यांनी प्रतिक्रिया दिली आहे. संजय राऊत यांनी दिल्लीतल्या शेतकरी आंदोलनात भाजपचा एक गट घुसल्यानं आंदोलन हिंसक झाल्याचा गंभीर आरोप केला आहे. ते मुंबईत प्रसारमाध्यमांशी बोलत होते.

सरकारनं एक प्रकारची दडपशाही सुरू केली आहे. लाल किल्ल्यावर जे शेतकरी घुसले, असं म्हणतायत. ते खरोखर शेतकरी होते का असा प्रश्न निर्माण होतोय. लाल किल्यावर शेतकरी नव्हते फूस लावून काही जणांना पाठवण्यात आले होते. ते आता कुठे फरार झाले आहेत, कुठे गायब झाले आहेत, त्याचा आधी तपास करावा”, असंही संजय राऊत म्हणाले आहेत.

यावेळी पुढे संजय राऊत म्हणाले, “सरकारने एकप्रकारची दडपशाही सुरू केलेली आहे. लाल किल्ल्यावर शेतकरी घुसले असं म्हणत आहेत. ते खरोखर शेतकरी होते? की कुणीतरी फूस लावून, जे आता फोटो आलेले आहेत, पंतप्रधानांबरोबर किंवा भाजपाच्या नेत्यांबरोबर जे कुणी सिद्धू वैगरे लोकं आहेत. ते कोण आहेत? कुणाचे आहेत? त्याचा तपास अगोदर करा. ते कुठं फरार झालेले आहेत? पण सरकारला आता यापुढे शेतकऱ्यांना चिरडून टाकायचं आहे.

ते लाल किल्ल्यावर गेले होते. त्यांनी हडकम माजवला. आज आंदोलनात फूट पडल्याचं चित्र निर्माण करण्यात आलंय. काही नेत्यांवरती गुन्हे दाखल केले. शेतकऱ्यांना बघून घेऊ, पाहून घेऊची भाषा पोलिसांकडून सुरू आहे. अधिवेशन सुरू होत आहे, पहिल्या दिवसापासून सरकारला या प्रश्नाची उत्तरं द्यावी लागतील, असंही संजय राऊतांनी भाजपला ठणकावून सांगितलंय.

News English Summary: Shivsena MP Sanjay Raut said, “The government has started a kind of repression. Farmers are saying that they have entered the Red Fort. Was he really a farmer? That by seducing someone, who has now been photographed, with the Prime Minister or with the BJP leaders, who are people like Sidhu. Who are they Who owns Investigate it first. Where have they escaped? But the government no longer wants to crush the farmers.

News English Title: Shivsena MP Sanjay Raut made serious allegations on BJP over farmers tractor rally news updates.