28 March 2024 9:24 PM
अँप डाउनलोड
बातम्या फ्लॅश
Numerology Horoscope | 29 मार्च 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Horoscope Today | तुमचे शुक्रवारचे राशिभविष्य | 29 मार्च 2024 | तुमच्या राशीनुसार तुमचा शुक्रवारचा दिवस कसा असेल जाणून घ्या HDFC Mutual Fund | पगारदारांनो! येथे पैसा गुंतवा, या 3 म्युच्युअल फंड योजनेत 1000 टक्क्याहून अधिक परतावा मिळेल Lloyds Enterprises Share Price | शेअरची किंमत 27 रुपये! अल्पावधीत 2337% परतावा दिला, करोडोत कमाई करणार? Gravita Share Price | शेअर असावा तर असा! 4 वर्षांत दिला 2700% परतावा, आता अल्पावधीत 29% परतावा देईल HLV Share Price | 26 रुपयाचा शेअर करतोय मालामाल, अल्पावधीत 650% परतावा, पुन्हा अप्पर सर्किटवर Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल?
x

पोलिस दल हादरलं! २४ तासांत राज्यात १५० पोलिसांना कोरोनाची लागण

Covid 19, Maharashtra Police, Mumbai Police

मुंबई, १० मे: डॉक्टर, नर्स, सफाई कामगारानंतर आता पोलिसांनाही कोरोनानं ग्रासलं आहे. राज्यात आतापर्यंत ७८६ पोलिसांना कोरोनानं ग्रासलं आहे. तर सात जणांचा कोरोनानं बळी घेतला आहे. ७६ पोलिसांनी कोरोनावर मात केल्याची माहिती महाराष्ट्र पोलिसांनी दिली आहे. मागील २४ तासांत राज्यात तब्बल दीडशे पोलिसांना कोरोनानं ग्रासलं आहे.

मुंबईत कोरोनाबाधित पोलिसांची संख्या अडीचशेच्या घरात आहे. शेकडो पोलिसांमध्ये करोनासदृश लक्षणे दिसत असून, राज्यभरात सुमारे तीन हजार पोलिसांचे विलगीकरण करण्यात आले आहे. पोलिस करोनाबाधित होत असल्याचा फटका त्यांच्या कुटुंबीयांनाही बसत आहे. संपर्कात आल्याने पोलिस कुटुंबीयांचेही विलगीकरण करावे लागत आहे.

त्यामुळे पोलिस वसाहतींमध्ये प्रचंड भय आहे. अनेक पोलिस कुटुंबांसोबत संपर्क येऊ नये म्हणून काही दिवस पोलिस ठाण्यांत तर काही दिवस घरी राहात आहेत. कोरोनापासून बचावासाठी सर्व काही काळजी घेत असूनही नागरिक नियम पाळत नसल्याने पोलिसांवरील ताण अधिक वाढत आहे.

दुसरीकडे मुंबईतील कोरोनाग्रस्तांची संख्या ही १२,८६४ वर गेली असून ४८९ जणांचा मृत्यू झाला आहे. एका अधिकाऱ्यांनी दिलेल्या माहितीनुसार, गेल्या २४ तासांत देशात ४८ लोकांचा मृत्यू झाला आहे. यातील २७ मुंबई शहरातील, ९ पुणे, ८ मालेगाव, तर अकोला, नांदेड आणि अमरावतीत प्रत्येकी एकाचा मृत्यू झाला आहे. तसेच शुक्रवारी मुंबई महानगरपालिकेच्या अधिकाऱ्यांनी दिलेल्या माहितीत, मुंबईतील धारावी परिसरात ५ लोकांचा मृत्यू झाला. एका हिंदी वेबसाईटने याबाबतचे वृत्त दिले आहे.

 

News English Summary: After doctors, nurses and cleaners, now the police are also affected by the corona. So far, 786 policemen have been killed in the state. Corona has claimed seven lives. Maharashtra Police has informed that 76 policemen have beaten Corona. In the last 24 hours, as many as 150 policemen have been killed in the state.

News English Title: Story 786 Police Personnel Have Tested Positive For Covid19 in The State News Latest Updates.

हॅशटॅग्स

#CoronaCrisis(1404)

संबंधित बातम्या

राहुन गेलेल्या बातम्या

x