Suzlon Share Price | सुझलॉन एनर्जी कंपनीच्या शेअर्समध्ये तेजी पाहायला मिळत आहे. मागील आठवड्यात गुरुवारच्या ट्रेडिंग सेशनमध्ये सुझलॉन एनर्जी कंपनीचे शेअर्स 4.98 टक्के वाढीसह 40.47 रुपये किमतीवर ट्रेड करत होते. नुकताच आयकर विभागाने सुझलॉन एनर्जी कंपनीला दणका दिला होता. ( सुझलॉन एनर्जी कंपनी अंश )
आयकर विभागाने सुझलॉन एनर्जी कंपनीला 260.35 कोटी रुपये दंड ठोठावला आहे. आयकर विभागाच्या नॅशनल फेसलेस असेसमेंट सेंटरने आर्थिक वर्ष 2016-17 आणि आर्थिक वर्ष 2017-18 या काळासाठी कंपनीला दंड आकारला आहे. आज मंगळवार दिनांक 2 एप्रिल 2024 रोजी सुझलॉन एनर्जी स्टॉक 0.73 टक्के वाढीसह 41.65 रुपये किमतीवर ट्रेड करत आहेत.
सुझलॉन एनर्जी कंपनीने सेबीला दिलेल्या माहितीत कळवले आहे की, आयकर विभागाच्या आदेशाविरोधात सुझलॉन एनर्जी कंपनीने अपील व न्यायिक मंचासमोर पुनर्विचार अर्ज केला आहे. प्रभुदास लिलाधर फर्मच्या तज्ञांनी सुझलॉन एनर्जी कंपनीच्या शेअर्सवर सकारात्मक भावना व्यक्त केल्या आहेत. तज्ञांनी सुझलॉन एनर्जी कंपनीच्या शेअर्सची टार्गेट प्राइस 48 रुपये ते 50 रुपये निश्चित केली आहे.
शेअर बाजारातील तज्ञांनी गुंतवणूकदारांना सुझलॉन एनर्जी स्टॉक खरेदी करताना 35 रुपये किमतीवर स्टॉपलॉस लावण्याचा सल्ला दिला आहे. मागील 6 महिन्यांत या कंपनीच्या शेअरने आपल्या गुंतवणुकदारांना 57.90 टक्के परतावा कमावून दिला आहे. मागील एका वर्षात या कंपनीच्या शेअर्सने आपल्या गुंतवणुकदारांना 471.61 टक्के नफा कमावून दिला आहे.
या कंपनीच्या शेअर्सची 52 आठवड्यांची उच्चांक किंमत पातळी 50.72 रुपये होती. तर नीचांक किंमत पातळी 7.06 रुपये होती. ब्रोकरेज फर्म आनंद राठीने सुझलॉन एनर्जी स्टॉकवर 49 रुपये टार्गेट प्राइस निश्चित केली आहे. या कंपनीने भारतातील विंड टर्बाइन मार्केटमधील 32 टक्के वाटा काबीज केला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
