राहुल गांधी यांनी पुन्हा एकदा पक्षाचं नेतृत्व करावं - अशोक चव्हाण

मुंबई, २४ ऑगस्ट : नेतृत्वाच्या मुद्यावरुन काँग्रेसपक्षांमध्ये दोन गट पडल्याचे चित्र आहे. २३ काँग्रेसच्या नेत्यांनी पत्राद्वारे पक्षनेतृत्वाचा प्रश्न तातडीने सोडवण्याची मागणी केली. त्यानंतर गांधी कुटुंबाशी निष्ठावान असलेले नेते सक्रिय झाले आहेत. त्यांनी काँग्रेस अध्यक्ष सोनिया गांधी यांच्या नेतृत्वावर विश्वास व्यक्त करत राहुल गांधी यांना पुन्हा अध्यक्ष बनवण्याची मागणी केली आहे. राज्याचे माजी मुख्यमंत्री अशोक चव्हाण यांनीही याबाबत आपली भूमिका माडंली असून राहुल गांधी यांनी पुन्हा एकदा पक्षाचं नेतृत्व करावं असं मत त्यांनी मांडलं आहे.

pic.twitter.com/qsGV9E2wY1

— Ashok Chavan (@AshokChavanINC) August 23, 2020

माजी मुख्यमंत्री अशोक चव्हाण यांनी राहुल गांधी यांनी पुन्हा अध्यक्षपद स्वीकारवं या निवेदनाचं एक पत्र ट्विटरवर पोस्ट केलं आहे. त्यामध्ये ते म्हणतात की, ‘पक्षाला एकजीव ठेवण्याची, बांधून ठेवण्याची क्षमता केवळ गांधी कुटुंबाकडे आहे आणि इतिहासातही हे अनेकदा सिद्ध झाले आहे. पक्षाच्या अध्यक्ष पदासंदर्भात काँग्रेस कार्यसमिती निर्णय घेईल. परंतु, खा. राहुलजी गांधी यांनी पक्षाचे अध्यक्ष पद स्वीकारावे, अशी कार्यकर्त्यांची प्रबळ इच्छा आहे. खा. राहुलजी गांधी हे सक्षम, संयमी व संवेदनशील नेते आहेत.’

दुसरीकडे महाराष्ट्रातील काँग्रेस नेते राजीव सातव यांनीही सोनिया गांधी यांना पत्र लिहून या भूमिकेला पाठिंबा दर्शविला आहे. या पत्रात सातव यांनी सोनियांना उद्देशून म्हटले आहे की, तुम्ही कठीण परिस्थितीचा सामना करत आहात, हे आम्हाला माहिती आहे. तरीही तुम्हीच पक्षाचे नेतृत्त्व करावे, ही आमची नम्र विनंती आहे. काँग्रेस पक्ष हा केवळ तुमच्या किंवा राहुलजींच्या हातात सुरक्षित आहे. आता किंवा भविष्यात तुमच्याशिवाय इतर कोणीही काँग्रेस पक्षाला न्याय मिळवू देऊ शकत नाही, असे राजीव सातव यांनी म्हटले आहे.

News English Summary: There is a picture of two factions in the Congress party on the issue of leadership. 23 Congress leaders in a letter demanded an immediate solution to the party leadership issue. Since then, leaders loyal to the Gandhi family have become active. Former Chief Minister Ashok Chavan has also expressed his views on the issue and said that Rahul Gandhi should lead the party once again.

News English Title: Minister Ashok Chavan Congress President Rahul Gandhi News Latest Updates.