परमबीर सिंग राज्यपालांना भेटणार | स्वतःला वाचवण्यासाठी भाजपच्या इशाऱ्यावर हालचालींचा आरोप?

मुंबई, २२ मार्च: मुंबईच्या पोलीस आयुक्त पदावरून बदली करण्यात आलेले पोलीस अधिकारी परमबीर सिंग यांच्या पत्राने महाराष्ट्राच्या राजकीय वर्तुळात खळबळ उडवून दिली. सिंग यांनी थेट गृहमंत्र्यांवरच आरोप केलेले असल्याने विरोधीपक्ष भाजपाकडून सरकारची कोंडी करण्याचा प्रयत्न केला जात आहे. सिंग यांच्या पत्रावरून गृहमंत्री अनिल देशमुख यांच्या राजीनाम्यासाठी भाजपा आक्रमक झाल्याचं दिसत आहे.

दरम्यान, याचविषयावरून म्हणजे केवळ आरोप करण्यावरून या प्रकरणात सक्तवसुली संचालनालय (ईडी) लक्ष घालण्याची शक्यता आहे. गृहमंत्र्यांनी पोलीस अधिकाऱ्याला मुंबईतून महिन्याला १०० कोटींची वसुली करण्याचे टार्गेट दिल्याचा आरोप केल्याने त्यामागील आर्थिक कनेक्शन त्याच्याकडून तपासले जाण्याची शक्यता वर्तवली जात आहे. त्यामुळे गृहमंत्री देशमुख व राज्य सरकारच्या अडचणी आणखी वाढणार आहेत.

परमबीर सिंग यांनी मुख्यमंत्री उद्धव ठाकरे यांना लिहिलेल्या पत्रात सचिन वाझे यांना १०० कोटी वसूल करण्याचे टार्गेट देण्यात आले होते, असे नमूद केले आहे. हे पत्र राज्यपालांनाही आज, सोमवारी देणार असल्याचे परमबीर सिंग यांनी सांगितले आहे. त्यामुळे त्यामागील आर्थिक कनेक्शन तपासण्यासाठी हे प्रकरण ‘ईडी’कडे पाठविले जाऊ शकते. त्याचप्रमाणे आरोपांचे गांभीर्य समजून‘ईडीही’ स्वतःहून तपास करू शकते. परमबीर यांचा जबाब नोंदवून त्या अनुषंगाने गुन्हा दाखल केला जाऊ शकतो. याबाबत विरोधी पक्षाकडून तक्रार नोंदवली गेल्यासही ‘ईडी’कडून हे प्रकरण हाताळले जाऊ शकते, असे सूत्रांकडून सांगण्यात आले.

धक्कादायक म्हणजे सध्या परमबीर सिंग यांना दिल्लीतून हॅण्डल केलं जातं असल्याचा संशय बळावू लागला आहे. कारण, राजकीय विरोधकांप्रमाणे ते एक एक घटना तडीस घेऊन जातं आहेत आणि राज्य सरकार अस्थिर कसं होईल याची खात्री करत आहेत. एखादे विद्यमान IPS अधिकारी असे राज्यपालांकडे जाणे हे ऐतिहासिक आहे. सध्या राज्यातील या प्रकरणात केंद्र सरकार संबंधित विभाग चौकशी करत आहेत. त्यामुळे भविष्यात त्यांना यातून बाहेर काढण्याचं आमिष देण्यात आल्याचं वृत्त सूत्रांनी दिलं आहे. त्यामुळे ते दिल्लीश्वरांच्या इशाऱ्यावर एखाद्या राजकीय विरोधकांप्रमाणे योजना आखात असल्याचं दिसतंय. दरम्यान, मुंबईचे माजी पोलीस आयुक्त राहिलेले अधिकारी भाजपात मंत्रिपद उपभोगून आले आहेत. तसेच राजकीय आमिष त्यांना देण्यात आल्याचं सूत्रांनी म्हटलं आहे. त्यामुळेच ते अशा भेटी घेऊन राज्यातील आणि केंद्रातील विरोधकांच्या हेतूला अप्रत्यक्षरीत्या बळ देत आहेत असं म्हटलं जातंय. यावर महाविकास आघाडीचे नेते काय पाऊल उचलणार ते पाहावं लागणार आहे.

भाजप नेत्यांशी देखील त्यांच्या हालचालींचं टाईमिंग जुळत असल्याने सत्ताधाऱ्यांची शंका बालवणार.

100 कोटी रुपयांची वसूली समोर आली आहे आमची मागणी आहे #Enforcementdirecotate ने याची चौकशी करावी

— Ram Kadam – राम कदम (@ramkadam) March 22, 2021

News English Summary: In a letter to Chief Minister Uddhav Thackeray, Parambir Singh said that Sachin Waze was targeted to recover Rs 100 crore. The letter will be handed over to the governor today, Monday, Parambir Singh said. Therefore, the case can be referred to the ED to check the financial connection behind it.

News English Title: Parambir Singh will meet state governor today on Anil Deshmukh allegations letter news updates.