अहमदनगर : अहमदनगर मधील दोन शिवसेना कार्यकर्त्यांच्या हत्येनंतर काही जणांनी नगरच्या पोलीस अधीक्षकांच्या कार्यालयाची तोडफोड केली होती. त्याप्रकरणी भाजपचे आमदार शिवाजी कार्डिले यांना अखेर अटक करण्यात आली आहे.
भाजप आमदार शिवाजी कार्डिले यांना झालेल्या अटकेचा शिवसेना कार्यकर्त्यांच्या हत्येशी संबंध नसून ही अटक पोलीस अधीक्षक कार्यालयाची तोडफोड केल्या प्रकरणी आहे असे पोलीस सूत्रांनी स्पष्ट केले आहे.
दोन शिवसेना कार्यकर्त्यांच्या हत्येनंतर शहरात दहशतीचं वातावरण होत. पोलिसांनी केलेल्या कारवाईत २२ जणांना अटक करण्यात आली होती त्यात राष्ट्रवादीचे आमदार संग्राम जगताप यांचा सुद्धा समावेश होता. परंतु नगरच्या पोलीस अधीक्षकांच्या कार्यालयाची काही गुंडांकडून तोडफोड करण्यात आली होती आणि आज अखेर त्याच तोडफोड प्रकरणी भाजप आमदार शिवाजी कार्डिलेना अटक करण्यात आली आहे.
