मनोहर पर्रिकरांच्या निधनानंतर गोव्यात जोरदार राजकीय हालचाली

पणजी : गोव्याचे मुख्यमंत्री मनोहर पर्रिकर यांच्या निधनानंतर गोव्यातील राजकीय घडामोडींनाही वेग आला आहे. मनोहर पर्रिकर यांचे रविवारी संध्याकाळी निधन झाले. त्यांच्या निधनानंतर गोव्यात राजकीय संकट निर्माण झाले आहे. एकीकडे काँग्रेसने सत्तास्थापनेसाठी दावा करण्याची तयारी सुरु केली असतानाच भाजपानेही मुख्यमंत्रीपदासाठी हालचाली सुरु केल्या आहेत.

कॉंग्रेस नेते गिरीश चोडणकर व चंद्रकांत कवळेकर यांनी दुसऱ्यांदा गोवा राज्यपालांना निवेदन देऊन सत्ता स्थापन करण्याचा दावा केला आहे. आमदार मायकेल लोबो, गोवा उपसभापती, महाराष्ट्रवादी गोमंतक पक्षाचे सुदिन ढवळीकरांना मुख्यमंत्रीपद हवे आहे. ते म्हणतात की भारतीय जनता पक्षाला पाठींबा देऊन त्यांनी अनेकदा या पदाचा त्याग केला, परंतु यावेळी ऐकणार नाही. तर दुसरीकडे २०१७ नंतर पुन्हा केंद्रीय परिवहन मंत्री नितीन गडकरींच्या यांच्या उपस्थितीत रात्रभर मित्र पक्षांशी बैठक पार पडली. मात्र या बैठकीत मुख्यमंत्रीपदाबाबत तोडगा निघू शकलेला नाही. त्यामुळे आता आज याबाबत पुन्हा एकदा बैठक होणार असल्याचे सूत्रांनी माहिती दिली आहे.