सत्तेतून कधी बाहेर पडणार? मला राजकारण शिकवायची गरज नाही: उद्धव ठाकरे

मुंबई : निवडणुकीच्या तोंडावर शिवसेना आक्रमक झाली असून विकासापासून लोकांचं लक्ष हटविण्यासाठी सत्तेत राहून केंद्र आणि राज्यातल्या सरकारला टीका करत असून आता लोकसभा निवडणुकीच्या अनुषंगाने राम मंदिराच्या भावनिक विषयाला हात घातला आहे. त्यामुळे भाजपला अडचणीत आणण्यासाठी आणि उत्तर भारतीय समाजातील लोकांना शिवसेनेकडे आकर्षित करण्यासाठी उद्धव ठाकरे २५ नोव्हेंबरला उत्तर प्रदेशात म्हणजे अयोध्येला जाणार आहेत असं राजकीय विश्लेषकांना वाटतं आहे.

शिवसेनेच्या ५२व्या मेळाव्यात पक्षप्रमुख उद्धव ठाकरे यांनी भाजपवर सडकून टीका केली आहे. पण उद्धव ठाकरेंच्या भाषणात संयत स्पष्ट दिसत होता. लोकसभा किंवा विधानसभेच्या निवडणुकीत युती तोडण्याबाबत त्यांनी कोणताही उल्लेख केला नसला, केवळ भाषणात बोलताना ‘काय ते परत परत बोलायचं’ असं म्हणत वेळ मारून घेतली. तरी आम्ही सत्तेत हिंदुत्वासाठीच आहोत, असे सांगत सामान्यांच्या प्रश्नांवर सरकारशी संघर्ष सुद्धा कायम राहील, असे सुद्धा भाषणात म्हटलं.

पुढे सत्ता सोडण्याच्या विषयाला अनुसरून म्हणाले की, मला राजकारण शिकविण्याच्या फंदात कोणी पडू नये, असे थेट उत्तर दिले. तसेच शिवसेनेला कान टोचणे वगरे जमत नाही. कारण शिवसेना थेट कानाखाली आवाज काढते. तसाच आवाज या केंद्र सरकारच्या विरोधात शिवसेना काढते आहे. दरम्यान संघाचा उल्लेख करत ते म्हणाले की, आरएसएसचे पदाधिकारी देखील मोदी सरकारवर नाराज आहेत. मग असं असताना त्यांना तुम्ही विचारता का की सरकारच्या विरोधात आंदोलन करणार म्हणून, असा प्रतिप्रश्न त्यांनी विरोधकांच्या सत्ता सोडण्याच्या प्रश्नावर केला

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.