नवी दिल्ली : भाजपचे ज्येष्ठ नेते आणि दिल्लीचे माजी मुख्यमंत्री मदन लाल खुराना हे मागील काही वर्ष मेंदूज्वरामुळे कोमामध्ये गेले होते. काल रात्री उशिरा राहत्या घरीच त्यांचे निधन झाले. ते ८२ वर्षाचे होते. त्यांचे पुत्र हरिश खुराना यांनी ट्विट करून ही माहिती दिली.
दुर्दैवाने, काही दिवसांपूर्वी त्यांच्या एका मुलाचे सुद्धा हृदयविकाराने निधन झाले होते. दिल्लीच मुख्यमंत्रीपद भूषविलेले मदनलाल खुराना हे भाजपमधील मोठे नेते होते म्हणून सर्वश्रुत होते. दिल्लीच्या राजकारणात ते अनेक वर्ष सक्रीय होते. १९९३ ते १९९६ या काळात ते दिल्लीचे मुख्यमंत्री सुद्धा राहिले होते. त्यांचा जन्म १५ ऑक्टोबरला पाकिस्तानच्या फैलसाबादमध्ये झाला होता.
माजी पंतप्रधान अटलबिहारी वाजपेयी यांच्या मंत्रिमंडळात मदनलाल खुराना हे संसदीय कार्यमंत्री आणि पर्यटन मंत्री सुद्धा राहिले होते. दिल्लीमधून ते ४ वेळा संसदेवर निवडून गेले होते. तसेच २००१ मध्ये त्यांची नियुक्ती राजस्थानच्या राज्यपालपदी झाली होती.
Shri Madan Lal Khurana Ji will always be remembered for the manner in which he strengthened the BJP in Delhi. He made unwavering efforts towards serving the post-partition refugees in Delhi. My thoughts and solidarity with his family and supporters.
— Narendra Modi (@narendramodi) October 28, 2018
