Airtel Jio 5G | देशातील कोणत्या शहरांमध्ये उपलब्ध आहे 5G सेवा, पाहा संपूर्ण यादी, तुमचं शहर आहे?

Airtel Jio 5G | यावर्षी ऑक्टोबर महिन्यात ५ जी सेवा सुरू करण्यात आली होती. देशाच्या तंत्रज्ञान क्षेत्रात ५जी सेवेची भर पडणे ही २०२२ साठीची सर्वात मोठी उपलब्धी होती. त्यानंतर गेल्या 2 महिन्यातच देशातील आघाडीची टेलिकॉम कंपनी एअरटेल (Airtel 5G) आणि जिओने 5 जी नेटवर्क लाँच केलं. हळूहळू या दोन टेलिकॉम कंपन्या देशातील विविध शहरांमध्ये 5 जी सेवा पुरवित आहेत. चला तर मग पाहूया देशातील कोणत्या शहरात एअरटेल आणि जिओमध्ये आतापर्यंत 5 जी सेवा आहे.

या टेलिकॉम कंपन्या देशात 5 जी सेवा देत आहेत
सध्या देशातील दूरसंचार क्षेत्रातील दोन कंपन्या 5 जी सेवा देत आहेत. या दोन कंपन्यांपैकी एक कंपनी एअरटेल आणि दुसरी जिओ आहे. मात्र, व्होडाफोन आयडियाने अद्याप 5 जी सेवा सुरु करण्याबाबत कोणतीही माहिती दिलेली नाही.

कोणत्या शहरांमध्ये 5G सेवा मिळत आहे?

एअरटेल 5G
एअरटेलने देशाची राजधानी दिल्ली, मुंबई, चेन्नई, बेंगळुरू, हैदराबाद, सिलिगुडी, नागपूर, वाराणसी, पानिपत, गुरुग्राम आणि गुवाहाटीमध्ये 5 जी सेवा सुरू केली आहे. २०२३ च्या अखेरीस देशातील उर्वरित मेट्रो शहरांमध्ये ५ जी सेवा सुरू करणार असल्याचे कंपनीने निवेदनात म्हटले आहे. एअरटेल वापरकर्ते गुडगावमध्ये कंपनीच्या ५ जी सेवेचा आनंद घेऊ शकतात. मात्र एअरटेलची 5 जी सेवा गुडगाव, डीएलएफ सायबर हब, डीएलएफ फेज 2, एमजी रोड, राजीव चौक, इफको चौक, अॅटलास चौक, उद्योग विहार, निर्वाणा कंट्री, गुरुग्राम रेल्वे स्टेशन, सिव्हिल लाइन्स, आर्डी सिटी, हुडा सिटी सेंटर आणि गुरुग्राम नॅशनलसह इतर ठिकाणी उपलब्ध आहे.

जिओ 5G
जिओची 5 जी सेवा सध्या दिल्ली एनसीआर, मुंबई, वाराणसी, राजस्थानमधील नाथद्वारा, पुणे, हैदराबाद, बंगळुरु, चेन्नई आणि कोलकाता येथे उपलब्ध आहे. याशिवाय जिओने या शनिवारी गुजरातमध्ये 5 जी सेवाही सुरु केली आहे. देशातील दूरसंचार क्षेत्रातील दिग्गज कंपनी जिओने आदल्या दिवशी गुजरातच्या सर्व ३३ जिल्हा मुख्यालयांमध्ये ५ जी सेवा सुरू केली.

5 जी सेवा लक्षात घेता मोबाईल कंपन्याही सॉफ्टवेअर अपडेट्स देत आहेत. शाओमी, रिअलमी आणि नथिंग सारख्या कंपन्यांनी यापूर्वीच त्यांचे अपडेट्स जारी केले आहेत. खरं तर या अपडेटमुळे मोबाईलला 5 जी सेवा वापरता येणार आहे. गुगलकडून अद्याप सॉफ्टवेअर अपडेट जारी करण्यात आलेले नाही. आयफोन बनवणारी कंपनी अॅपलने केवळ आयओएस बीटा युजर्ससाठी अपडेट जारी केले आहे, आयफोन युझर्सना डिसेंबरच्या अखेरीस कायमस्वरूपी अपडेट मिळेल, अशी अपेक्षा आहे. ओप्पोसारख्या इतर ब्रँड्सनी त्यांच्या बहुतेक 5 जी-समर्थित मोबाइल फोनमध्ये आधीच आवश्यक ते बदल केले आहेत.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Airtel Jio 5G network city check details here on 27 November 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.