नवी मुंबई: काळचौकी परिसरातील एका इंडस्ट्रीयल इस्टेटमध्ये आग लागल्याची घटना ताजी असताना, नवी मुंबईतही एका टॉवरमध्ये आग लागल्याची घटना घडली आहे. नवी मुंबईत नेरुळच्या सीवूड सेक्टर ४४ मध्ये एका टॉवरमध्ये शनिवारी सकाळी ६.३० च्या सुमारास आग भडकली होती. त्यांना उपचारासाठी वाशी येथील एमजीएम रुग्णालयात दाखल करण्यात आले आहे.

नेरुळमधील सीवूड्स सेक्टर ४४ मधील सी होम्स या इमारतीच्या १८ व्या आणि १९ मजल्यावर आग लागली. घटनेची माहिती मिळताच अग्निशमन दलाच्या एकूण ६ गाड्या घटनास्थळी तातडीने रवाना झाल्या. परंतु, ही आग मोठी असल्याने ती विझवणे जिकिरीचे धाले होते. इमारत गगनचुंबी असल्याने ही आग वेगाने पसरत होती. उंचीवरील आग विझवताना अनेक अडथळे येत असल्याने यात शर्थीचे प्रयत्न करणारे अग्निशमन दलाचे ७ जवान जखमी झाले. अखेर ३ तासांनंतर, म्हणजेच १०.३० वाजण्याच्या सुमारास ही आग आटोक्यात आली.

अग्निशमन दलाच्या गाड्या आणि ५० ते ६० जवान घटनास्थळी अजून तळ ठोकून आहे. छुटपूट आग विझवण्याचे काम अद्यापही सुरू आहे. सकाळी ही आग लागली असून सुदैवाने कोणतीही जीवितहानी झालेली नाही. रहिवाशांना इमारतीतून खाली आणण्यात आले आहे.

 

Web Title: Fire in high rise building in Seawoods of Navi Mumbai city 7 Fire fighter Jawans of Fire Brigade got Injured.

नेरुळमधील सीहोम्स इमारतीला भीषण आग, ७ जवान जखमी