Auto Revolution | २०३० पर्यंत देशात विक्री होणाऱ्या नव्या वाहनांपैकी ३० टक्के वाहने ही इलेक्ट्रिक प्रवासी वाहने असतील. क्लेमेंट अँड एनर्जी रिसर्च इन्स्टिट्यूटच्या संशोधनात याचा अंदाज आला आहे. २०५० पर्यंत एकूण विकल्या जाणाऱ्या वाहनांमध्ये इलेक्ट्रिकचा वाटा ७५ टक्क्यांपर्यंत वाढेल, असे ‘एनर्जी, एन्व्हायर्नमेंट अँड वॉटर कौन्सिल’च्या (सीईईईडब्ल्यू) अहवालात म्हटले आहे. २०३० पर्यंत एकूण नव्या दुचाकींपैकी निम्मी दुचाकी इलेक्ट्रिक टू-व्हीलर असतील, असे या अभ्यासात म्हटले आहे. त्याचप्रमाणे तीनचाकी आणि चारचाकी वाहनांमध्ये इलेक्ट्रिकचा वाटा २५ टक्के असेल.
भारतात १३ लाखांहून अधिक इलेक्ट्रिक वाहनांची नोंदणी :
याशिवाय सध्या देशात १३ लाखांहून अधिक इलेक्ट्रिक वाहनांची (ई-वाहने) नोंदणी झाली आहे, तर २८२६ सार्वजनिक चार्जिंग स्टेशन (पीसीएस) कार्यान्वित आहेत, असे सरकारने म्हटले आहे. रस्ते वाहतूक आणि महामार्ग मंत्री नितीन गडकरी यांनी राज्यसभेत एका प्रश्नाच्या लेखी उत्तरात ही माहिती दिली.
देशातील एकूण इलेक्ट्रिक वाहनांची संख्या :
ते म्हणाले की, 14 जुलै 2022 पर्यंत देशातील एकूण इलेक्ट्रिक वाहनांची संख्या 13,34,385 इतकी आहे आणि यामध्ये आंध्र प्रदेश, मध्य प्रदेश, तेलंगणा आणि लक्षद्वीपमधील डेटाचा समावेश नाही. त्याचबरोबर ब्युरो ऑफ एनर्जी एफिशियन्सी (बीई) नुसार देशात एकूण 2826 पीसीएस कार्यरत असल्याचे त्यांनी सांगितले.
चार्जिंग स्टेशन मंजूर करण्यात आले :
गडकरी म्हणाले की, फेज-२ (फेम इंडिया फेज २) मध्ये इलेक्ट्रिक वाहनांचा जलद गतीने अवलंब आणि उत्पादन करण्याच्या अवजड उद्योग मंत्रालयाच्या योजनेंतर्गत, ६८ शहरांमध्ये २८७७ सार्वजनिक चार्जिंग स्टेशन आणि ९ द्रुतगती मार्ग आणि १६ महामार्गांवर १५७६ चार्जिंग स्टेशन मंजूर करण्यात आले आहेत.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
