Multibagger Stocks | आयशर मोटर्स ही लार्ज-कॅप आणि ब्लू-चिप कंपन्यांपैकी एक आहे ज्याचा विश्वासार्ह आर्थिक यशाचा लांबलचक ट्रॅक रेकॉर्ड आहे. याचे बाजार भांडवल ९३,५६९.७१ कोटी रुपये आहे. ही कंपनी रॉयल एनफील्ड बाईक्सची निर्मिती करणारी देखील आहे, ज्याचा भारतीय ऑटोमोबाईल क्षेत्रात प्रचंड हिस्सा आहे. दीर्घ मुदतीच्या गुंतवणुकीत गुंतवणूकदारांना लक्षाधीश बनवणाऱ्या मल्टिबॅगर शेअर्समध्ये आयशर मोटर्सचे शेअर्स आहेत.
शुक्रवारी एनएसईवर आयशर मोटर्स लिमिटेडचे शेअर्स ३,४२२.१० रुपयांवर बंद झाले, जे आधीच्या ३,४११.६० रुपयांच्या तुलनेत ०.५२% अधिक होते. व्यवहाराच्या दिवसात एकूण 1,038,097 शेअर्सचे व्यवहार झाले, तर गेल्या 20 दिवसांत सरासरी 1,258,822 शेअर्सचे व्यवहार झाले. गेल्या २३ वर्षांत शेअरने २,८०,९९८.३६ टक्के परतावा दिला आहे. शेअरची किंमत १ जानेवारी १९९९ रोजी १.२२ रुपयांवरून सध्याच्या बाजारभावापर्यंत वाढली आहे. त्यामुळे एखाद्या गुंतवणूकदाराने २३ वर्षांपूर्वी आयशर मोटर्सचे १ लाख रुपयांचे शेअर्स खरेदी करून ते कायम ठेवले असते तर आजची गुंतवणूक २८.१० कोटी रुपये झाली असती.
शेअर्सची कामगिरी :
गेल्या पाच वर्षांत या शेअरमध्ये 7% वाढ झाली आहे, परंतु गेल्या तीन वर्षात त्याने 110.48% इतका मल्टीबॅगर परतावा दिला आहे. मागील वर्षाच्या तुलनेत हा शेअर 22.36 टक्क्यांनी वाढला असून 2022 मध्ये आतापर्यंत 26.14 टक्क्यांनी वधारला आहे. गेल्या सहा महिन्यांत या शेअरने 42.33 टक्क्यांची उसळी घेतली आहे, तर गेल्या एका महिन्यात तो 9.02 टक्क्यांनी वधारला आहे. २५ ऑगस्ट २०२२ रोजी एनएसईवर शेअरने ५२ आठवड्यांतील उच्चांकी ३,५१३.७० रुपये आणि ८ मार्च २०२२ रोजी २,१५९.५५ रुपयांच्या ५२ आठवड्यांच्या नीचांकी पातळीची नोंद केली होती. सध्या हा शेअर त्याच्या उच्च पातळीपेक्षा 2.39% आणि नीचांकी पातळीवर 58.80% पेक्षा जास्त व्यापार करत आहे.
कंपनीचे आर्थिक निकाल :
आयशर मोटर्सने २०२२-२३ च्या पहिल्या तिमाहीत ३,३९७ कोटी रुपयांची एकत्रित निव्वळ विक्री नोंदविली आहे, जी गेल्या आर्थिक वर्षात याच तिमाहीतील १,९७४ कोटी रुपयांच्या तुलनेत ७२.१० टक्क्यांनी अधिक आहे. वार्षिक आधारावर कंपनीचा एकूण खर्च 59.3 टक्क्यांनी वाढला. ती १,६११ कोटी रुपयांवरून २,५६६ कोटी रुपयांवर पोहोचली. या आर्थिक वर्षाच्या पहिल्या तिमाहीत कंपनीचा करपूर्व नफा १०६ टक्क्यांनी वाढून ७५८ कोटी रुपये झाला आहे. त्याचवेळी निव्वळ नफा (टॅक्सपश्चात नफा) १५७ टक्क्यांनी वाढून ६११ कोटी रुपये झाला.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
