Gold Price Today | सोने आणि चांदीच्या व्यापारात बुधवारी लक्षणीय वाढ झाली. दिल्ली सोने आणि चांदीच्या बाजारात सोमवारी सोन्याचा भाव ३८,४६० रुपये प्रति १० ग्रॅम झाला. दोन्ही मौल्यवान धातूंच्या किंमतींमध्ये वाढ होण्यामागे जागतिक ट्रेंड हे प्रमुख कारण मानले जाते.
एचडीएफसी सिक्युरिटीजच्या आकडेवारीनुसार, राजधानी दिल्लीत बुधवारी सोने प्रति दहा ग्रॅम 54,913 रुपयांवर बंद झाले, जे मंगळवारच्या 54,595 रुपये प्रति दहा ग्रॅमच्या बंद किंमतीपेक्षा 318 रुपयांनी जास्त आहे. त्याचप्रमाणे दिल्ली सराफा बाजारातही चांदीचे दर 682 रुपयांनी वाढून 69,176 रुपये प्रति किलोवर बंद झाले आहेत.
सोन्याच्या किंमती वाढण्याची कारणं
एचडीएफसी सिक्युरिटीज रिसर्चच्या तज्ज्ञांनी सांगितले की, अमेरिकेतील ग्राहकांच्या महागाईचे आकडे बाजाराच्या अंदाजापेक्षा कमी आहेत. यामुळे गेल्या सत्रात सोन्याच्या किंमतींनी 5 महिन्यातील उच्चांकी पातळीही ओलांडली होती. यानंतर बुधवारी आशियाई व्यापार सत्रात सोन्याचे भाव स्थिर राहिले. आंतरराष्ट्रीय बाजारात सोन्याचा भाव १,८०८.२ डॉलर प्रति औंस, तर चांदीचा भाव २३.७० डॉलर प्रति औंस या पातळीवर वधारत होता.
वायदे बाजार
बुधवारी सोन्याच्या वायदे बाजाराची स्थिती स्पॉट मार्केटपेक्षा पूर्णपणे वेगळी होती. वायदे बाजारात सोन्याच्या मागणीत घट झाली. फेब्रुवारीमध्ये डिलिव्हरीसाठीचे सोने मल्टी कमॉडिटी एक्सचेंजवर (एमसीएक्स) १०४ रुपयांनी घसरून ५४,६३९ रुपये प्रति १० ग्रॅम झाले. न्यूयॉर्कच्या आंतरराष्ट्रीय वायदे बाजारात सोने ०.३८ टक्क्यांनी घसरून १,८१८.६० डॉलर प्रति औंस झाले.
डॉलर इंडेक्स 1% पेक्षा जास्त घसरला
मोतीलाल ओसवाल फायनान्शिअल सर्व्हिसेसचे वरिष्ठ उपाध्यक्ष (कमॉडिटी रिसर्च) नवनीत दमानी यांनी दिलेल्या माहितीनुसार, ग्राहक किंमत निर्देशांकाची (सीपीआय) आकडेवारी जाहीर झाल्यानंतर डॉलर निर्देशांकात एक टक्क्यांहून अधिक घसरण झाली आणि सहा महिन्यांच्या नीचांकी पातळीवर पोहोचला. त्याच वेळी, अमेरिकेच्या ट्रेझरी बिलांच्या 10 वर्षांच्या बेंचमार्क यील्डमध्येही घट दिसून आली. दमानी यांच्या मते, बाजाराचे लक्ष आता अमेरिकेच्या फेडरल रिझर्व्हच्या निर्णयाकडे लागले आहे. यूएस फेडकडून किती व्याजदर वाढवले जातात, याकडे सर्वांचे लक्ष लागले आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
