GTL Infra Share Price | केंद्रीय अन्वेषण विभागाने (सीबीआय) जीटीएल लिमिटेड, त्याचे संचालक आणि काही अज्ञात बँकर्सविरोधात ४,७६० कोटी रुपयांच्या कर्ज घोटाळ्याप्रकरणी गुन्हा दाखल केला आहे. या लोकांनी कर्जाचे पैसे वळवून बँकांच्या समूहाला ४,७६० कोटी रुपयांचा गंडा घातल्याचा आरोप आहे. या कन्सोर्टियममध्ये २४ बँका आहेत. तपास यंत्रणेच्या म्हणण्यानुसार, कंपनीने कन्सोर्टियमकडून फसवणुकीने कर्ज घेतले आणि काही बँक अधिकारी आणि विक्रेत्यांशी संगनमत करून या कर्जाची बहुतेक रक्कम हडप केली. २००९ ते २०१२ या कालावधीत ही फसवणूक झाल्याचा आरोप आहे. या बातमीच्या धक्क्याने आज जीटीएल इन्फ्रास्ट्रक्चर लिमिटेड कंपनीचे शेअर्स तब्बल 20.91 टक्के कोसळून 0.87 पैशावर आले आहेत. त्यामुळे गुंतवणूकदारांचं टेन्शन वाढलं आहे. (Stock Market LIVE, Share Market LIVE, BSE – NSE LIVE, Nifty 50 LIVE, Sensex LIVE, SGX Nifty live, GTL Infrastructure Share Price | GTL Infrastructure Stock Price | GTL Infra Share Price | GTL Infra Stock Price | BSE 532775 | NSE GTLINFRA)
जीटीएलकडून दरवर्षी काही वेंडर्सना मोठ्या प्रमाणात आगाऊ रक्कम दिली जात होती, मात्र त्या बदल्यात कोणताही माल पुरविला जात नसल्याचे तपासात निष्पन्न झाले. नंतर या अॅडव्हान्ससाठी तरतूद करण्यात आली. सीबीआयने म्हटले आहे की, फसवणुकीसाठी दोषींनी जीटीएल लिमिटेडच्या संगनमताने अनेक व्हेंडर कंपन्या स्थापन केल्या होत्या.
आयसीआयसीआय बँकेकडे जीटीएल लिमिटेडचे ६५० कोटी रुपये, बँक ऑफ इंडियाचे ४६७ कोटी रुपये आणि कॅनरा बँकेचे ४१२ कोटी रुपये थकले आहेत. कंपनीने या बँकांकडून काही व्यावसायिक कामांसाठी अल्पमुदतीचे कर्ज घेतले होते आणि या निधीचा वापर केवळ नमूद केलेल्या कामांसाठी केला जाईल, असे आश्वासन बँकेला दिले होते. मात्र, कर्जाची रक्कम मिळाल्यानंतर त्यातील बहुतांश रक्कम कंपनीने या कामासाठी वापरली नाही, असे सीबीआयने म्हटले आहे.
अशा प्रकारे मेसर्स जीटीएल लिमिटेडने बँकांची फसवणूक केली आणि त्यानंतर बँकांकडून मिळालेल्या पैशांचा गैरवापर केला, असे एजन्सीने एफआयआरमध्ये म्हटले आहे. ग्लोबल ग्रुपचे मनोज तिरोडकर यांनी १९८७ मध्ये जीटीएल लिमिटेडची सुरुवात केली. भारत आणि आंतरराष्ट्रीय बाजारपेठेतील टेलिकॉम ऑपरेटर्सना टेलिकॉम नेटवर्क ची स्थापना, त्याचे ऑपरेशन आणि मेंटेनन्स इत्यादींशी संबंधित सेवा पुरविण्याच्या व्यवसायात ही कंपनी गुंतलेली आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
