Wipro Employees Salary | विप्रो आयटी कंपनीचा कर्मचाऱ्यांना आर्थिक धक्का! सॅलरी 50% कमी केली, इतर IT कंपन्यांमध्ये सुद्धा?

Wipro Employees Salary | देशातील आघाडीची आयटी कंपनी विप्रोमध्ये (आयटी कंपनी) नियुक्तीच्या प्रतीक्षेत असलेल्या कर्मचाऱ्यांना मोठा धक्का बसला आहे. कंपनीने कर्मचाऱ्यांच्या पगारात सुमारे ५० टक्के कपात करण्याचा निर्णय घेतला आहे. आयटी कर्मचारी संघटना एनआयटीईएसने कंपनीच्या या निर्णयाला विरोध केला असून असे निर्णय अन्यायकारक आणि अस्वीकार्य असल्याचे म्हटले आहे. युनियनने कंपनीला आपल्या निर्णयाचा फेरविचार करण्यास सांगितले आहे.

वेतन पॅकेज ५० टक्के घटवले
विप्रोचा हा निर्णय जागतिक स्तरावरील व्यापक आर्थिक अनिश्चितता आणि तंत्रज्ञान कंपन्यांसमोरील आव्हाने अधोरेखित करत आहे, असे उद्योगातील सूत्रांनी सांगितले. बेंगळुरू स्थित आयटी सेवा कंपनी विप्रोने नुकतेच ज्या उमेदवारांना वार्षिक ६.५ लाख रुपयांची ऑफर देण्यात आली होती, त्यांना त्याऐवजी ३.५ लाख रुपयांच्या पॅकेजसाठी पात्र आहात, अशी विचारणा केली आहे.

कंपनीने या निर्णयाचा फेरविचार करावा
हे कर्मचारी बऱ्याच दिवसांपासून आपल्या नियुक्तीच्या प्रतीक्षेत होते. आयटी क्षेत्रातील कर्मचाऱ्यांची संघटना एनआयटीईएसने या निर्णयाचा निषेध केला असून हा निर्णय अन्यायकारक आणि निष्पक्षता आणि पारदर्शकतेच्या तत्त्वांच्या विरोधात असल्याचे म्हटले आहे. व्यवस्थापनाने आपल्या निर्णयाचा फेरविचार करावा आणि परस्पर हिताचा मार्ग काढण्यासाठी संघटनेशी अर्थपूर्ण चर्चा करावी, अशी मागणी एनआयटीईएसने केली आहे.

कंपनीने मेल केला
विप्रोशी संपर्क साधला असता त्यांनी ई-मेलद्वारे दिलेल्या उत्तरात म्हटले आहे की, व्यापक वातावरणातील बदल लक्षात घेता आम्हाला आमच्या व्यवसायाच्या गरजेनुसार आमच्या भरती योजनेत महत्वाचे बदल करावे लागत आहेत.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Wipro Employees Salary reduced by 50 percent check details on 22 February 2023.