Tips Industries Share Price | ‘टिप्स इंडस्ट्रीज’ या चित्रपट निर्मिती क्षेत्राशी संबंधित कंपनीचे शेअर्स आणखी स्वस्त होणार आहे, कारण कंपनीने स्टॉक स्प्लिटची घोषणा केली आहे. ‘टिप्स इंडस्ट्रीज’ कंपनी आपले 10 रुपये दर्शनी मूल्य असलेले शेअर 10 तुकड्यांमध्ये विभाजित करणार आहे. ‘टिप्स इंडस्ट्रीज’ कंपनीने स्टॉक स्लिटची रेकॉर्ड तारीख जाहीर केली आहे. स्टॉक स्प्लिट ची घोषणा करताच कंपनीच्या शेअर्समध्ये जबरदस्त वाढ झाली. 3 एप्रिल 2023 रोजी ‘टिप्स इंडस्ट्रीज’ कंपनीचे शेअर्स 7.65 टक्के वाढीसह 1,572.00 रुपये किमतीवर क्लोज झाले आहेत. (Tips Industries Limited)
टिप्स इंडस्ट्रीज स्टॉक स्प्लिट :
‘टिप्स इंडस्ट्रीज’ कपनीने स्टॉक मार्केट नियामक सेबीला दिलेल्या माहितीत म्हटले आहे की, कंपनीने आपले 10 रुपये दर्शनी मूल्य असलेले शेअर्स 10 भागांमध्ये विभाजन करण्याचा निर्णय घेतला आहे. त्यानंतर कंपनीच्या शेअर्सचे दर्शनी मूल्य 1 रुपये होईल. या स्टॉक स्प्लिटसाठी रेकॉर्ड डेट म्हणून कंपनीने 21 एप्रिल 2023 हा दिवस निश्चित केला आहे. ज्या लोकांचे नाव 21 एप्रिल 2023 पर्यंत कंपनीच्या रेकॉर्ड बुकमध्ये सामील राहील त्यांना कंपनी स्टॉक स्प्लिटचा लाभ देणार आहे.
शेअर्समध्ये तुफानी खरेदी :
‘टिप्स इंडस्ट्रीज’ कंपनीचे शेअर काल 1581.05 रुपये किमतीवर पोहचले होते. मागील एका महिन्यात ‘टिप्स इंडस्ट्रीज’ कंपनीच्या शेअर्समध्ये 3.66 टक्के वाढ पाहायला मिळाली आहे. मात्र 2023 हे वर्ष या कंपनीच्यागुंतवणूकदारांसाठी फारसे चांगले नव्हते. मागील एका वर्षात ‘टिप्स इंडस्ट्रीज’ कंपनीच्या शेअरची किंमत 31.98 टक्के कमजोर झाली आहे. तर YTD आधारे या कंपनीचे शेअर्स 9.91 टक्के कमजोर झाले आहेत.
व्यापार विस्तार :
‘टिप्स इंडस्ट्रीज’ कंपनीने नुकताच OTT प्लॅटफॉर्मवर पदार्पण केल्याची घोषणा केली आहे. ‘टिप्स इंडस्ट्रीज’ निर्मित ‘गॅस लाइट’ हा चित्रपट ‘डिस्ने प्लस हॉटस्टार’ वर प्रसारित होणार आहे. म्युझिक अल्बम रिलीज करण्यासोबतच कंपनीने 2 पंजाबी चित्रपटांची निर्मिती केली असून लवकरच प्रदर्शित करणार आहे. याशिवाय कंपनीने 3 मराठी चित्रपटांची देखील निर्मिती केली आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
