Reliance Ice Cream | रिलायन्स इंडस्ट्रीजने कॅम्पा-कोला खरेदी करून सॉफ्ट ड्रिंक्स बाजारात प्रवेश केला आहे. आता रिलायन्स इंडस्ट्रीज लिमिटेडची (आरआयएल) कंपनी रिलायन्स कन्झ्युमर प्रॉडक्ट्स (आरसीपीएल) आईस्क्रीम आणि डेअरी मार्केटमध्ये उतरण्याच्या तयारीत आहे. या सेगमेंटमध्ये रिलायन्स कन्झ्युमर प्रॉडक्ट्स अमूल आणि मदर डेअरीसारख्या कंपन्यांशी स्पर्धा करणार आहे.
कंपनी सर्वप्रथम गुजरातमध्ये आईस्क्रीम उत्पादने लाँच करू शकते
मुकेश अंबानी यांच्या मालकीच्या रिलायन्स कन्झ्युमर प्रॉडक्ट्स लिमिटेड (आरसीपीएल) आपल्या इंडिपेंडेंस ब्रँडअंतर्गत आईस्क्रीम उत्पादने लाँच करण्याच्या तयारीत आहे. कंपनी गुजरातमधून आईस्क्रीम उत्पादने सुरू करू शकते. तसेच रिलायन्स कन्झ्युमर प्रॉडक्ट्स गुजरातमधील निर्मात्यासोबत करार करू शकते. बिझनेस स्टँडर्डच्या अहवालात सूत्रांच्या हवाल्याने ही माहिती देण्यात आली आहे.
रिलायन्सने अमूलच्या माजी एमडीला सोबत घेतलं
रिपोर्टनुसार, रिलायन्स इंडस्ट्रीज अमूल आणि मदर डेअरीसारख्या डेअरी ब्रँडशी थेट स्पर्धा करण्याच्या तयारीत आहे. आपल्या मेगा विस्तार योजनेअंतर्गत कंपनी मूल्यवर्धित क्षेत्रात काही मोठे अधिग्रहण देखील करू शकते. रिलायन्सने अलीकडेच बड्या अधिकाऱ्यांच्या नियुक्त्या केल्या आहेत, ज्यामुळे कंपनीला डेअरी क्षेत्रातील विस्तार योजना पुढे नेण्यास मदत होऊ शकते. कंपनीने नुकतीच अमूलचे माजी व्यवस्थापकीय संचालक रुपिंदर सिंग सोढी यांची रिलायन्स व्हेंचर्स लिमिटेडमध्ये नियुक्ती केली आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
