Gujarat Themis Biosyn Share Price | ‘गुजरात थेमिस बायोसिन’ या स्मॉल कॅप फार्मा कंपनीने मागील 5 वर्षात आपल्या गुंतवणूकदारांना बंपर कमाई करून दिली आहे. ‘गुजरात थेमिस बायोसिन’ कंपनीने नुकताच आपले तिमाही निकाल जाहीर केले, आणि कंपनीने सोबत स्टॉक स्प्लिट करण्याची देखील घोषणा केली आहे.
‘गुजरात थेमिस बायोसिन’ कंपनीचे शेअर्स 5 तुकड्यांमध्ये विभाजित केले जाणार आहे. या फार्मा कंपनीचे एकूण बाजार भांडवल 151.91 कोटी रुपये आहे. आज मंगळवार दिनांक 16 मे 2023 रोजी या कंपनीचे शेअर्स 2.39 टक्के वाढीसह 803.00 रुपये किमतीवर ट्रेड करत आहेत.
सेबीला दिलेल्या माहितीत ‘गुजरात थेमिस बायोसिन’ कळवले आहे की, कंपनीने 5 रुपये दर्शनी मूल्य असलेल्या शेअरचे 5 भागांमध्ये विभाजन करण्याचा निर्णय घेतला आहे. त्यानंतर कंपनीच्या शेअर्सचे दर्शनी मूल्य 1 रुपये होईल. गुजरात थेमिस बायोसिन कंपनीने गुंतवणूकदारांना प्रत्येक शेअरवर 1 रुपये म्हणजेच 20 टक्के लाभांश देण्याची देखील घोषणा केली आहे. ‘गुजरात थेमिस बायोसिन’ कंपनीने लाभांश वाटपाची रेकॉर्ड तारीख म्हणून 1 सप्टेंबर 2023 हा दिवस निश्चित केला आहे.
कंपनीची कामगिरी :
गुजरात थेमिस बायोसिन कंपनीचे शेअर्स शुक्रवारच्या ट्रेडिंग सेशनमध्ये 0.66 टक्क्यांच्या घसरणीसह 792.85 रुपये किमतीवर क्लोज झाले होते. मागील 5 वर्षात ‘गुजरात थेमिस बायोसिन’ कंपनीच्या शेअरने आपल्या गुंतवणुकदारांना 2,100.00 टक्के परतावा कमावून दिला आहे. ज्या लोकांनी 3 वर्षांपूर्वी या कंपनीच्या शेअर्समध्ये पैसे लावले होते, त्यांच्या गुंतवणुकीचे मूल्य 358.29 टक्के वाढले आहे.
मागील एका वर्षात या कंपनीच्या शेअरने आपल्या गुंतवणूकदारांना 102.17 टक्के परतावा कमावून दिला आहे. मार्च तिमाहीपर्यंत गुजरात थेमिस बायोसिन कंपनीमध्ये प्रवर्तकांनी 75 टक्के भाग भांडवल धारण केले होते. तर FII ने 0.01 टक्के भाग भांडवल धारण केले होते. यात Dlls ने 0.03 टक्के आणि सार्वजनिक गुंतवणूकदारांनी 24.95 टक्के भाग भांडवल धारण केले आहेत.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
