LIC Share Price | लाईफ इन्शुरन्स कॉर्पोरेशन म्हणजेच LIC कंपनीचे शेअर्स सूचीबद्ध होऊन एक वर्ष पूर्ण झाला आहे. LIC कंपनीच्या IPO मध्ये गुंतवणूक करणाऱ्या लोकांना स्टॉक लिस्टिंगनंतर मोठे नुकसान झाले आहे. एलआयसीच्या सर्व गुंतवणूकदारांना तब्बल 2.23 लाख कोटी रुपये नुकसान सहन करावे लागले आहे. लिस्टिंगनंतर LIC कंपनीचे बाजार भांडवल 6 लाख कोटी रुपयांवरून घसरुन 3.77 लाख कोटीवर आले आहे. LIC कंपनीचा IPO हा भारतीय शेअर बाजाराच्या इतिहासातील सर्वात मोठा IPO होता.
एलआयसी शेअरची सध्याची किंमत
भारत सरकारने या IPO द्वारे 21,000 कोटी रुपये भांडवल उभारणीचे लक्ष निश्चित केले होते. IPO साठी सरकारने कंपनीचे 3.5 टक्के भाग भांडवल खुल्या बाजारात 949 रुपये किमतीवर विकले होते. बाजार भांडवलाच्या दृष्टीने LIC कंपनीच्या मालमत्तेत प्रचंड घट होऊनही तज्ञ स्टॉक बाबत सकारात्मक आहेत. आज शुक्रवार दिनांक 2 जून 2023 रोजी LIC कंपनीचे शेअर्स 0.24 टक्के वाढीसह 598.60 रुपये किमतीवर ट्रेड करत आहेत.
एलआयसी शेअर संदर्भात तज्ञांचा सल्ला
LIC स्टॉकवर शेअर बाजारातील अनेक तज्ञांनी बाय रेटिंग दिली आहे. ट्रेडलाइन डेटानुसार 15 पैकी 12 तज्ञांनी LIC स्टॉकवर ‘बाय’ आणि ‘स्ट्रॉन्ग बाय’ अशी रेटिंग देऊन खरेदी करण्याचा सल्ला दिला आहे. तीन तज्ञांनी LIC स्टॉकवर ‘होल्ड’ रेटिंग दिली आहे. तज्ञांनी LIC स्टॉकवर सरासरी लक्ष्य किंमत 807 रुपये निश्चित केली आहे, जी सध्याच्या किमतींच्या तुलनेत 36 टक्के अधिक आहे.
कोटक इन्स्टिट्यूशनल इक्विटीज फर्मच्या मते LIC स्टॉक स्थिर VNB वाढीच्या मार्गावर ट्रेड करत आहे. तज्ञांनी दीर्घ कालावधीसाठी या स्टॉकवर 1,000 रुपये लक्ष्य किंमत निश्चित केली आहे. तर ICICI सिक्युरिटीज फर्मने LIC स्टॉकवर 917 रुपये लक्ष किंमत निश्चित केली आहे.
एलआयसी शेअरची टार्गेट प्राईस
जेएम फायनान्शियल फर्मने LIC स्टॉकवर 940 रुपये लक्ष किंमत जाहीर करून स्टॉकवर ‘बाय’ रेटिंग दिली आहे. कोटक इन्स्टिट्यूशनल इक्विटीज, आयसीआयसीआय सिक्युरिटीज,जेएम फायनान्शिअल, यांनी LIC स्टॉक सध्याच्या किंमत पातळीपासून 55-70 टक्के वाढू शकतो, असा अंदाज व्यक्त केला आहे. काही तज्ञांनी LIC कंपनीमध्ये मर्यादित वाढीव संभाव्यतेचा हवाला देत स्टॉकबाबत सावध राहण्याचा सल्ला दिला आहे. मागील एका वर्षात LIC स्टॉक 25.70 टक्के घसरला आहे.
Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
