Torrent Power share Price | मुंब्रा, शिळ, कळवा ते कल्याणमधील जनतेकडे दुर्लक्ष करून शिंदे-फडणवीस सरकारचा टोरंट कंपनीसोबत करार
Highlights:
- Torrent Power share Price
- आगरी समाज प्रतिष्ठानचे टोरेंट पॉवर कंपनी विरोधात आमरण उपोषण पुकारली होती
- आगरी समाज प्रतिष्ठानने अनेक उपोषणं केली
- टोरेंट पॉवरच्या शेअरमध्ये तेजी
- टोरंट पॉवर वर्क ऑर्डर नेमकी काय आहे?
- शेअर बाजारात काय परिस्थिती आहे
Torrent Power share Price | मनसेचे कल्याण ग्रामीणचे आमदार राजू पाटील यांनी १ नोव्हेंबर २०१९ रोजी आगरी समाज प्रतिष्ठानने टोरेंट पॉवर कंपनीविरोधात आयोजित केलेल्या भव्य मोर्चात सहभाग नोंदवला होता. त्यावेळी भव्य मोर्चा काढत जिल्हाधिकाऱ्यांना एक निवेदन देण्यात आलं होतं. त्यावेळी प्रसार माध्यमांशी बोलताना आमदार राजू पाटील म्हणाले होते की, सदर कंपनीला माझा यापूर्वीच विरोध राहिलेला आहे आणि राज्यातील मंत्रिमंडळ अजून ठरलं नसल्याने प्रशासनाने तूर्तास या कंपनीच्या नव्या कार्यालयास स्थगिती द्यावी अशी विनंती देखील केली आहे. काही झालं तरी आम्ही टोरेंट पॉवर कंपनी येथून हटवणार म्हणजे हटवणार असा निश्चय यावेळी करण्यात आला होता.
आगरी समाज प्रतिष्ठानचे टोरेंट पॉवर कंपनी विरोधात आमरण उपोषण पुकारली होती
तत्पूर्वी, डोंबिवली जवळील आणि शीळरोडवरील देसाई गावात देखील आगरी समाज प्रतिष्ठानचे टोरेंट पॉवर कंपनी विरोधात आमरण उपोषण पुकारली होती, मात्र त्यावेळी स्थानिक राजकीय नेत्यांच्या हाकेला प्रशासनाने केराची टोपली दाखवली होती. टोरेंट पॉवर कंपनी हटाव अशी मागणी आगरी-कोळी संघटना तसेच इतर काही संघटनाने अनेक वेळा केली आहे.
आगरी समाज प्रतिष्ठानने अनेक उपोषणं केली
शीळरोड वरील विविध गावे, दिवा, मुंब्रा याभागात टोरेंट पॉवर या कंपनीला विजेच कंत्राट देण्यात आले आहेत आणि ती रद्द करावी यासाठी आगरी समाज प्रतिष्ठानने अनेक उपोषणं केली आहेत, मात्र त्याला यश आलेले नाही. सदर उपोषणला गावातील नागरिकांनी जाहीर पाठींबा दिला होता. मात्र सरकारने त्याकडे लक्ष दिले नाही. त्यावेळी स्वतः आमदार राजू पाटील यांनी हा विषय सरकार दरबारी देखील उचलून धरणार असल्याचं म्हटलं होतं.
मात्र आता राज ठाकरे यांच्यासोबत शिंदे-फडणवीसांच्या गुप्त बैठका सुरु झाल्यानंतर आमदार राजू पाटील शांत झाले आहेत का प्रश्न कल्याण-डोंबिवलीतील लोकांना पडू शकतो. कारण शिंदे-फडणवीस सरकारने त्याच टोरंट पॉवर कंपनीसोबत मोठा करार करून दिवा, मुंब्रा, कळवा ते कल्याणमधीलमधील जनतेच्या आंदोलनांना केराची टोपली दाखवली आहे. तसेच मनसे या विषयात ‘सेट’ झाली का असा प्रश्न देखील समाज माध्यमांवर विचारला जातोय.
कारण त्यावेळी उपमुख्यमंत्री आणि अर्थमंत्री असणारे अजित पवार यांची भेट घेणारे मनसेचे आमदार राजू पाटील सध्या विद्यमान उपमुख्यमंत्री आणि अर्थमंत्री देवेंद्र फडणवीस यांची आता भेट घेताना दिसत नाहीत. मात्र सध्या कोणत्यातरी कारणावरून मुख्यमंत्री एकनाथ शिंदे यांचे सत्कार सोहळे आमदार राजू पाटील यांच्या कल्याण-डोंबिवलीतील कार्यालयात होताना दिसत आहेत. इथेच बराच काही सिद्ध होतंय, की शिवतीर्थावरून काय आदेश आला असावा त्याचा. कारण विषय २७,००० कोटीच्या एमओयू’चा आहे.
उपमुख्यमंत्री मा.श्री.अजित पवार साहेब यांची आज भेट घेतली.
विषय-
१) २७ गावांची स्वतंत्र नगरपालिका करावी.
२) कल्याण ग्रामीण मतदारसंघातील येणाऱ्या दिवा शीळ डायघर विभागात टोरंट कंपनीला स्थगिती देण्यात यावी.
३) २७ गावांकरीता येत्या अर्थसंकल्पात विशेष निधी ची तरतूद करण्यात यावी. pic.twitter.com/cGfcUBGvFh— Raju Patil ( प्रमोद (राजू) रतन पाटील ) (@rajupatilmanase) January 29, 2020
टोरेंट पॉवरच्या शेअरमध्ये तेजी
टोरेंट पॉवरच्या शेअरमध्ये आज ७ टक्क्यांहून अधिक वाढ झाली आहे. कंपनीचे शेअर्स ५२ आठवड्यांच्या उच्चांकी पातळीवर आहेत. टोरंट पॉवरच्या शेअर्सच्या किमती वाढण्याचे प्रमुख कारण महाराष्ट्र सरकारसोबत चे हे सामंजस्य करार असल्याचे मानले जात आहे. सव्वा अकराच्या सुमारास कंपनीचा शेअर ७.१९ टक्क्यांच्या तेजीसह ६५५.६५ रुपयांच्या पातळीवर व्यवहार करत होता.
टोरंट पॉवर वर्क ऑर्डर नेमकी काय आहे?
शेअर बाजाराला दिलेल्या माहितीत टोरेंट पॉवरने महाराष्ट्र सरकारसोबत सामंजस्य करार करण्यात आल्याची माहिती दिली आहे. त्यानुसार कंपनी हायड्रो पॉवरची निर्मिती करणार आहे. त्याची किंमत २७ हजार कोटी रुपये आहे. हा प्रकल्प पाच वर्षांत पूर्ण होईल, अशी कंपनीची अपेक्षा आहे. यामुळे १३ हजार ५०० लोकांना रोजगार उपलब्ध होणार आहे असं कंपनीने म्हटलं आहे.
शेअर बाजारात काय परिस्थिती आहे
टोरेंट पॉवर शेअर आज बीएसईवर ६३४.३५ रुपयांच्या पातळीवर उघडला. ज्यानंतर कंपनीचा शेअर उच्चांकी पातळीवर पोहोचला. गेल्या महिन्याभराबद्दल बोलायचे झाले तर कंपनीच्या पोझिशनल गुंतवणूकदारांना २० टक्क्यांहून अधिक परतावा मिळाला आहे. तर या वर्षी आतापर्यंत या शेअरमध्ये 31 टक्क्यांहून अधिक वाढ झाली आहे. टोरेंट पॉवरचा ५२ आठवड्यांचा नीचांकी स्तर ४३०.९० रुपये प्रति शेअर आहे.
Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
Latest Marathi News : Torrent Power share Price Today check details on 07 June 2023.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Servotech Share Price | मल्टिबॅगर सर्व्होटेक पॉवर सिस्टम्स शेअर्समध्ये घसरण वाढतेय, स्टॉक Hold करावा की Sell?
- Numerology Horoscope | 12 मे 2024 | तुमची जन्म तारीख किती? अंकज्योतिष शास्त्र सांगेल तुमचा रविवारचा दिवस कसा असेल
- Adani Power Share Price | अदानी पॉवर स्टॉक चार्टवर मजबूत, तज्ज्ञांकडून सपोर्ट लेव्हलसहित टार्गेट प्राईस जाहीर
- RVNL Share Price | PSU स्टॉकमध्ये मजबूत तेजीचे संकेत, कंपनीबाबत फायद्याची अपडेट, शेअर प्राईसवर सुसाट धावणार
- Numerology Horoscope | 10 मे 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Ashok Leyland Share Price | अशोक लेलँड सहित हे टॉप 5 शेअर्स मालामाल करणार, अल्पावधीत तगडा परतावा मिळेल
- Numerology Horoscope | 13 मे 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Infosys Share Price | हलक्यात घेऊ नका! Infosys, TCS, Wipro सहित हे 7 शेअर्स मालामाल करणार, हाय ट्रेडिंग व्हॉल्यूम
- Numerology Horoscope | 09 मे 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल
- HAL Share Vs BEL Share Price | PSU HAL आणि BEL शेअर्स दणादण परतावा देणार, अल्पावधीत 30% कमाई करा