Maruti Alto K10 Tour H1 | देशातील सर्वात मोठी कार निर्माता कंपनी मारुती सुझुकी इंडियाने (एमएसआय) गुरुवारी व्यावसायिक सेगमेंटमध्ये नवीन एंट्री-लेव्हल हॅचबॅक टूर एच 1 लाँच केली. कंपनीच्या लेटेस्ट सीव्हीची किंमत ४.८ लाख रुपयांपासून सुरू होते. लेटेस्ट कमर्शियल हॅचबॅक कंपनीच्या ऑल्टो के1 मॉडेलवर आधारित आहे. मारुती सुझुकीचे टूर एच १ मॉडेल सीएनजी व्हर्जनमध्येही उपलब्ध असल्याचे मारुती सुझुकीने शुक्रवारी सांगितले.
किंमत, मायलेज आणि इंजिन
ऑल्टो के१० आधारित मारुती सुझुकी टूर एच१ सिंगल ट्रिम आणि दोन व्हेरियंटमध्ये उपलब्ध आहे. टूर एच1 पेट्रोल मॅन्युअल व्हेरिएंटची किंमत 4.8 लाख रुपये आणि बाय-फ्यूल सीएनजी एमटी व्हेरिएंटची एक्स-शोरूम किंमत 5.70 लाख रुपये आहे. टूर एच १ ही नवीन टॅक्सी कार मेटॅलिक सिल्की सिल्व्हर, मेटॅलिक ग्रॅनाइट ग्रे आणि आर्क्टिक व्हाईट या तीन रंगांमध्ये उपलब्ध आहे.
यात १.० लीटर नेचुरली एस्पिरेटेड पेट्रोल इंजिन देण्यात आले आहे, जे ६६ बीएचपी पॉवर आणि ८९ एनएम टॉर्क जनरेट करते. तर, सीएनजी व्हेरियंटमधील पॉवरट्रेन 56 बीएचपी पॉवर आणि 82 एनएम टॉर्क जनरेट करते. ट्रान्समिशनसाठी दोन्ही व्हेरियंटच्या इंजिनला ५ स्पीड मॅन्युअल गिअरबॉक्स देण्यात आला आहे.
मारुती सुझुकीची टूर एच १ इंधन कार्यक्षम आहे. कंपनीचा दावा आहे की, ही कमर्शियल हॅचबॅक एक लीटर पेट्रोलचा वापर करून 24.60 किलोमीटरचे मायलेज देण्यास सक्षम आहे. तर, सीएनजी व्हेरियंट 1 किलो सीएनजीचा वापर करून 34.46 किमी चे अंतर पार करेल.
सेफ्टी फीचर्स
नवीन सीव्ही सर्व अद्ययावत सुरक्षा वैशिष्ट्यांनी सुसज्ज आहे. एमएसआयचे वरिष्ठ कार्यकारी (विक्री आणि विपणन) शशांक श्रीवास्तव यांनी रेग्युलेटरी फायलिंगमध्ये सांगितले की, ही एंट्री-लेव्हल कमर्शियल कार ऑल्टो के 10 चा वारसा आणि विश्वास पुढे नेणार आहे. ते म्हणाले की, हे मॉडेल नेक्स्ट जनरेशन 10 सी इंजिन (नेक्स्ट जेन के 10 सी इंजिन) सह येते ज्यामध्ये खूप आरामदायक, सुविधा आणि सुरक्षा वैशिष्ट्ये आहेत.
मारुती एनगेज इंडिया ५ जुलैला लाँच होणार
मारुती सुझुकीने भारतीय बाजारात ग्रँड विटारा, फ्रॉन्क्स आणि जिम्नी या तीन नवीन एसयूव्ही सादर केल्या आहेत. आता कंपनी टोयोटा इनोव्हा हायक्रॉसवर आधारित प्रीमियम एमपीव्ही सादर करण्याच्या तयारीत आहे. मारुती सुझुकी मार्केटमध्ये येणारी पुढची ऑफर म्हणजे मारुती सुझुकी एनगेज इंडिया. कंपनी या नव्या एमपीव्हीची पहिली झलक पुढील महिन्याच्या ५ तारखेला सादर करणार आहे.
Latest Marathi News : Maruti Alto K10 Tour H1 Price details on 10 June 2023.
