Titagarh Rail Share Price | टीटागढ रेल सिस्टीम या भारतीय रेल्वेशी संबंधित व्यापार करणाऱ्या कंपनीच्या शेअरमध्ये मजबूत तेजी पाहायला मिळत आहे. 1 एप्रिल 2023 पासून टीटागढ रेल सिस्टीम कंपनीचे शेअर्स अप्रतिम कामगिरी करत आहेत. या काळात शेअरची किंमत तब्बल 149 टक्के वाढली आहे. 2023-24 या चालू आर्थिक वर्षात टीटागढ रेल सिस्टीम कंपनीच्या गुंतवणूकदारांचे पैसे दुप्पट झाले आहेत.
याच तीन महिन्याच्या कालावधीत बीएसई सेन्सेक्समध्ये फक्त 11 टक्क्यांची वाढ पाहायला मिळाली आहे. आज गुरूवार दिनांक 10 ऑगस्ट 2023 रोजी टीटागढ रेल सिस्टीम कंपनीचे शेअर्स 2.46 टक्के वाढीसह 669.30 रुपये किमतीवर ट्रेड करत आहेत.
टीटागढ रेल सिस्टीम कंपनीचे शेअर्स मजबूत ऑर्डर बुक आउटलुक आणि भारत सरकारच्या पायाभूत विकास योजनांमुळे सुसाट तेजीत वाढत आहेत. शेअर बाजारातील तज्ज्ञांच्या मते, टीटागढ रेल सिस्टीम कंपनीच्या शेअरमध्ये ही तेजी बराच काळ टिकून राहणार आहे. शेअर बाजारातील तज्ज्ञांच्या मते, भारतीय रेल्वे क्षेत्रात मोठ्या प्रमाणात विकास कामाला सुरुवात झाली आहे. भारत सरकारने पायाभूत विकास कामावर मोठ्या प्रमाणावर भांडवली खर्च गुंतवणुक वाढवली आहे.
रेल्वे क्षेत्रात कार्यरत कंपन्याना विविध विकासकामांचे ऑर्डर मिळत आहे. टीटागढ रेल सिस्टीम कंपनीला देखील मोठ्या प्रमाणात ऑर्डर्स मिळाले आहेत. बुधवारच्या ट्रेडिंग सेशनमध्ये टीटागढ रेल सिस्टीम कंपनीचे शेअर्स 1 टक्के वाढीसह 659.80 रुपये किमतीवर ट्रेड करत होते.
या कंपनीच्या स्टॉकने YTD आधारे आपल्या गुंतवणुकदारांना 41.16 टक्के परतावा कमावून दिला आहे. मागील सहा महिन्यांत टीटागढ रेल सिस्टीम कंपनीच्या शेअरने आपल्या गुंतवणुकदारांना 41.16 टक्के नफा कमावून दिला आहे. मागील 30 दिवसात या कंपनीच्या शेअरची किंमत 34.34 टक्के वाढली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
