NBCC Share Price | मंगळवारच्या ट्रेडिंग सेशनमध्ये एनबीसीसी इंडिया या सरकारी कंपनीचे शेअर्स मजबूत तेजीसह 146.80 रुपये किमतीवर ट्रेड करत होते. तर सोमवारच्या ट्रेडिंग सेशनमध्ये या कंपनीचे शेअर्स 141 रुपये किमतीवर क्लोज झाले होते.
एनबीसीसी इंडिया या बांधकाम क्षेत्रात व्यवसाय करणाऱ्या सरकारी कंपनीचे एकूण बाजार भांडवल 25810 कोटी रुपये आहे. या कंपनीच्या शेअर्सची 52 आठवड्यांची उच्चांक किंमत पातळी 176.5 रुपये होती. तर नीचांक किंमत पातळी 31 रुपये होती. आज बुधवार दिनांक 21 फेब्रुवारी 2024 रोजी एनबीसीसी इंडिया स्टॉक 2.24 टक्के घसरणीसह 139.40 रुपये किमतीवर क्लोज झाले होते.
मागील 5 दिवसांत एनबीसीसी इंडिया कंपनीच्या शेअर्सने आपल्या गुंतवणूकदारांना 12 टक्के परतावा कमावून दिला आहे. मागील 1 महिन्यात या कंपनीच्या शेअर्सने आपल्या गुंतवणुकदारांना 50 टक्के परतावा कमावून दिला आहे. या काळात कंपनीचे शेअर्स 98.60 रुपयेवरून वाढून 147 रुपये किमतीवर पोहचले आहे.
सध्या या कंपनीच्या ऑर्डर बुकचा आकार 55,300 कोटी रुपये आहे. 21 ऑगस्ट 2023 रोजी एनबीसीसी इंडिया स्टॉक 47.45 रुपये किमतीवर ट्रेड करत होता. या किमतीवरून शेअर्स 205 टक्के वाढले आहे. मागील एका वर्षात एनबीसीसी इंडिया कंपनीच्या शेअर्सची किंमत 33 रुपये या नीचांक किमतीवरून 330 टक्के वाढली आहे.
13 एप्रिल 2012 रोजी एनबीसीसी इंडिया कंपनीचे शेअर्स 6.32 रुपये किमतीवर ट्रेड करत होते. या नीचांकी किमतीवरून स्टॉक तब्बल 2200 टक्के वाढला आहे. मागील आठवड्यात एनबीसीसी इंडिया कंपनीला परराष्ट्र मंत्रालयाने राष्ट्रीय राजधानी क्षेत्रात गृहसंकुल बांधण्यासाठी 262 कोटी रुपये मूल्याचे कॉन्ट्रॅक्ट दिले आहे. यासह कंपनीला झाशी शहरातील राणी लक्ष्मीबाई केंद्रीय कृषी विद्यापीठाचे बांधकाम संबंधित आणि नोएडामधील ICAI इमारतीच्या नूतनीकरण प्रकल्पाचे 369 कोटी रुपये मूल्याचे कॉन्ट्रॅक्ट मिळाले आहे.
उत्तर प्रदेश राज्यातील झाशी येथील राणी लक्ष्मीबाई केंद्रीय कृषी विद्यापीठाचे काम करण्यासाठी एनबीसीसी इंडिया कंपनीला 332 कोटी रुपये मूल्याचे काम मिळाले आहे. या कंपनीला झाशी, दतिया आणि मुरैना, खजुराहो येथील राणी लक्ष्मीबाई केंद्रीय कृषी विद्यापीठाचे कॅम्पस विकसित करण्याचा कॉन्ट्रॅक्ट मिळाला आहे. तेलंगणा उच्च न्यायालयाने देखील एनबीसीसी इंडिया कंपनीला सिंगल कोर्ट कॉम्प्लेक्स आणि निवासी क्वार्टरचे बांधकाम पूर्ण करण्यासाठी 12.17 कोटी रुपये मूल्याचे कॉन्ट्रॅक्ट दिले आहे. यासह कंपनीला नोएडामधील ICAI इमारतीचे नूतनीकरण आणि फर्निशिंग करण्याचे 25 कोटी रुपये मूल्याचे काम देण्यात आले आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
