Adani Wilmar Share Price | टेक्निकल चार्टवर अदानी विल्मर शेअरला मजबूत सपोर्ट, पुढची मोठी टार्गेट प्राईस जाहीर

Adani Wilmar Share Price | शुक्रवारच्या ट्रेडिंग सेशनमध्ये अदानी विल्मर कंपनीच्या शेअर्समध्ये जबरदस्त तेजी पाहायला मिळाली होती. अदानी विल्मर लिमिटेड कंपनीचे शेअर्स 8.80 टक्क्यांच्या वाढीसह 392 रुपये किमतीवर पोहचले होते.

या कंपनीचे शेअर्स अजूनही आपल्या 509.40 रुपये या वार्षिक उच्चांक किंमत पातळीवरून 23.05 टक्के खाली ट्रेड करत आहेत. मागील वर्षी मे 2023 महिन्यात अदानी विल्मर कंपनीचे शेअर्स 500 रुपये किमतीच्या पार गेले होते. शुक्रवार दिनांक 23 फेब्रुवारी 2024 रोजी अदानी विल्मर स्टॉक 7.61 टक्के वाढीसह 388.10 रुपये किमतीवर क्लोज झाला होता.

20 नोव्हेंबर 2023 रोजी अदानी विल्मर कंपनीचे शेअर्स 285.85 रुपये या आपल्या 52 आठवड्यांच्या नीचांक किंमत पातळीवर ट्रेड करत होते. चालू आर्थिक वर्ष 2023-24 च्या डिसेंबर तिमाहीत अदानी विल्मर कंपनीच्या निव्वळ नफ्यात मागील वर्षीच्या याच तिमाहीच्या तुलनेत 18.29 टक्के घसरण नोंदवली गेली आहे. डिसेंबर 2023 तिमाहीत अदानी विल्मर कंपनीने 201 कोटी रुपये निव्वळ नफा कमावला आहे. मागील आर्थिक वर्षाच्या याच तिमाही कालावधीत अदानी विल्मर कंपनीने 246 कोटी रुपये निव्वळ नफा कमावला होता.

डिसेंबर तिमाहीत अदानी विल्मर कंपनीने 12828 कोटी रुपये महसूल संकलित केला आहे. मागील वर्षी याच तिमाहीत कंपनीने 15438 कोटी रुपये महसूल संकलित केला होता. मागील वर्षीच्या याच तिमाहीच्या तुलनेत कंपनीच्या महसूल संकलनात 16.91 टक्क्यांची घसरण झाली आहे. शेअर बाजारातील तज्ञांच्या मते, अदानी विल्मर शेअर्समध्ये 360 रुपये किमतीवर मजबूत सपोर्ट पाहायला मिळत आहे.

तज्ञांच्या मते, जर हा स्टॉक 398 रुपये किमतीच्या पार गेला तर, शेअर 420 रुपये किंमत स्पर्श करू शकतो. काही तज्ञांनी आपल्या अहवालात म्हंटले आहे की, अदानी विल्मर स्टॉक दैनिक टेक्निकल चार्टवर 406 रुपये किमतीवर ब्रेकआउटचे संकेत देत आहे. अदानी विल्मर कंपनीचे शेअर्स पुढील काळात 453 रुपयेपर्यंत वाढू शकतात, असा अंदाज तज्ञांनी व्यक्त केला आहे.

डीआरएस फिनव्हेस्ट फर्मच्या तज्ञांच्या मते, अदानी विल्मर स्टॉकमध्ये 375 रुपये किमतीवर मजबूत सपोर्ट असून हा स्टॉक 400 रुपयेपर्यंत वाढू शकतो. अदानी विल्मर ही कंपनी अदानी ग्रुप आणि सिंगापूरस्थित विल्मर कंपनी यांनी सुरू केलेला जॉइंट व्हेंचर आहे. डिसेंबर 2023 पर्यंत कंपनीच्या प्रवर्तकांकडे कंपनीचे 87.87 टक्के भाग भांडवल होते.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Adani Wilmar Share Price NSE Live 24 February 2024.