Vodafone Idea Share Price | ब्रोकरेज हाऊस नोमुराच्या तज्ञांच्या मते, व्होडाफोन आयडिया कंपनीचे शेअर्स मजबूत तेजीत वाढू शकतात. तज्ञांच्या मते, लोकसभा निवडणुकीनंतर टेलिकॉम इंडस्ट्रीतील कंपन्या 15 टक्के दर वाढ करू शकतात. मागील एका महिन्यात व्होडाफोन आयडिया स्टॉक 5 टक्के मजबूत झाला आहे. तर मागील तीन महिन्यांत या कंपनीच्या शेअर्सची किंमत 12 टक्क्यांनी वाढली आहे. ( व्होडाफोन आयडिया कंपनी अंश )
जानेवारी ते मे या कालावधीत व्होडाफोन आयडिया स्टॉक हा 15 टक्क्यांनी घसरला आहे. मात्र मागील एका वर्षात या कंपनीच्या शेअर्सने आपल्या गुंतवणुकदारांना 90 टक्के परतावा कमावून दिला आहे. आज बुधवार दिनांक 22 मे 2024 रोजी व्होडाफोन आयडिया स्टॉक 1.11 टक्के वाढीसह 13.70 रुपये किमतीवर ट्रेड करत आहेत.
ब्रोकरेज फर्म नोमुराने व्होडाफोन आयडिया स्टॉकची रेटिंग “सेल” वरून अपग्रेड करून “न्यूट्रल” केली आहे. नोमुराच्या मते, व्होडाफोन आयडिया कंपनीचा वाईट काळ बऱ्या पैकी संपला आहे. नोमुरा फर्मच्या तज्ञांच्या मते, व्होडाफोन आयडिया स्टॉकची किंमत पुढील काळात दुप्पट होऊ शकते. BoFA सिक्युरिटीज फर्मनेही व्होडाफोन आयडिया स्टॉक रेटिंग अपग्रेड करून ‘न्यूट्रल’ केली आहे. टेलिकॉम क्षेत्रातील सर्व कंपन्या सध्या दरवाढीचा विचार करत आहेत, यामुळे कंपन्यांच्या मार्जिनमध्ये आणखी सुधारणा होण्याची अपेक्षा आहे.
नोमुरा फर्मच्या मते, भारत सरकार 2024-2025 या आर्थिक वर्षातील पुढील पेमेंटसाठी व्होडाफोन आयडिया कंपनीला दिलासा देऊ शकते. व्होडाफोन आयडिया कंपनीला आर्थिक वर्ष 2025-26 च्या दुसऱ्या सहामाहीत 29,000 कोटी रुपये आणि आर्थिक वर्ष 2026-27 पासून 2030-2031 पर्यंत 43,000 कोटी खर्च करावे लागणार आहेत. जर सरकारने ही थकबाकीची रक्कम इक्विटीमध्ये रूपांतरित केली तर भारत सरकारची व्होडाफोन आयडिया कंपनीमध्ये हिस्सेदारी 81 टक्के होईल. आणि कंपनीच्या प्रवर्तकांचा वाटा सध्याच्या 36 टक्के वरून कमी होऊन 9 टक्के होईल.
व्होडाफोन आयडिया कंपनीने नुकताच 18,000 कोटीची फॉलो-ऑन पब्लिक ऑफर यशस्वी केली आहे. शेअर बाजारातील 18 पैकी सात ब्रोकरेज हाऊसच्या तज्ञांनी स्टॉक खरेदी करताना “प्रतीक्षा करा आणि पहा” असा सल्ला दिला आहे. इतर 10 तज्ञांनी स्टॉकवर “सेल” रेटिंग दिली आहे. जेपी मॉर्गनने व्होडाफोन आयडिया स्टॉकवर “अंडरवेट” रेटिंग दिली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
