HDFC Bank Alert | एचडीएफसी बँकेच्या ग्राहकांसाठी एक महत्त्वाची नोटीस दिली आहे. 13 जुलै रोजी एचडीएफसी बँक सिस्टीम अपग्रेड करणार आहे. त्यामुळे बँकेची सेवा तात्पुरत्या काळासाठी मर्यादित राहणार आहे. या दरम्यान तुम्ही यूपीआय सेवेचा देखील वापर करू शकणार नाही.
कोण कोणत्या सेवा बंद राहतील?
13 जुलै बद्दल एचडीएफसी बँकेने सांगितले की, यूपीआय सेवा दोन विशिष्ट वेळी उपलब्ध होणार नाही. यूपीआय पहाटे 3.00 ते 3.45 आणि सकाळी 9.30 ते दुपारी 12.45 वाजेपर्यंत काम करणार नाही. बँकेने सांगितले की, संपूर्ण अपग्रेड कालावधीत नेट बँकिंग आणि मोबाइल बँकिंग सेवा बंद राहतील. याशिवाय आयएमपीएस, एनईएफटी, आरटीजीएस, एचडीएफसी बँक अकाऊंट-टू-अकाउंट ऑनलाइन ट्रान्सफर आणि शाखा हस्तांतरण यासह सर्व फंड ट्रान्सफर मोडदेखील अपग्रेड कालावधीत उपलब्ध नसतील.
ग्राहक आपले कार्ड हॉटलिस्ट करणे, त्यांचा पिन रीसेट करणे आणि कार्डशी संबंधित इतर क्रियाकलाप करणे सुरू ठेवू शकतात. ग्राहक मर्चंट कार्डद्वारेही पैसे भरू शकतात. पण आदल्या दिवसाचे पेमेंट सिस्टीम अपग्रेड झाल्यानंतर दिसेल.
कोअर बँकिंग सॉफ्टवेअरमध्ये बदल
एचडीएफसी बँक वापरकर्त्याचा अनुभव सुधारण्याच्या उद्देशाने नवीन अभियांत्रिकी प्लॅटफॉर्मसह आपल्या कोअर बँकिंग सॉफ्टवेअरमध्ये बदल करत आहे. यामुळे बँकेच्या कामगिरीचा वेग वाढण्यास मदत होणार आहे. या अपग्रेडनंतर, एचडीएफसी बँक आकार आणि बँकिंग व्हॉल्यूमच्या बाबतीत देशातील सर्वात मोठ्या बँकांपैकी एक बनेल, नवीन पिढीच्या प्लॅटफॉर्मवर आपली कोर बँकिंग प्रणाली होस्ट करेल.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
