Salary Advance Loan | नोकरदारांसाठी प्रत्येक महिन्याचा पगार येणे हे एका स्वप्नासारखेच असते. पगार आल्याबरोबर 1 तारखेपासून ते 30 तारखेपर्यंत महिना चालवायचा असतो. परंतु पगार हातात आल्याबरोबर किराणा, गॅस, लाईट बिल, मुलांच्या शाळेची फी, मेंटेनेस, टॅक्स या सर्व गोष्टींमुळे 30 तारखेपर्यंत चालणारे पैसे 10 किंवा 15 तारखेला असं संपून जातात. आता पगारामध्ये केवळ याच गोष्टी नाही तर, सणवार, आला-गेला देखील पहावं लागतं. अशावेळी आपल्याकडे जास्तीचे पैसे कुठून येणार असा प्रश्न प्रत्येक नोकरी करणाऱ्या व्यक्तीला पडतो.
जास्तीचे पैसे तुम्हाला कोणत्याही वेळी लागू शकतात. अशावेळी काहीजण दुसऱ्यांकडून उधारीवर पैसे घेणे पसंत करतात. परंतु ही उधारी देखील पुढच्या महिन्याच्या देयीमध्ये नमूद होते. म्हणजेच पुढच्या महिन्यात पगार आल्याबरोबर उधारी आपल्याला चुकती करावी लागते. तुम्हाला गरजेकाळी चटकन पैसे प्राप्त करता यावे यासाठी सॅलरी ॲडव्हान्स लोन नावाचं एक लोन बँकेकडून देण्यात येतं. या लोनविषयी फार कमी व्यक्तींना माहित आहे
काय आहे सॅलरी ऍडव्हान्स लोन :
नोकरीपेशा असणारा कोणताही व्यक्ती सॅलरी ऍडव्हान्स लोन घेण्यासाठी पात्र आहे. तसं पाहायला गेलं तर, पर्सनल लोन ऐवजी सॅलरी लोनवर व्याजाची गणना मंथली किंवा डेली बेसिसवर केली जाते. त्याचबरोबर प्रत्येक बँकेत या लोनसाठी इंटरेस्ट रेट आणि नियम वेगवेगळे असू शकतात. अनेकजण या सॅलरी ऍडव्हान्स लोनचा फायदा घेताना पाहायला मिळत आहेत.
लोन, व्याज आणि इतर नियम :
बँक बाजार या वेबसाईटवर उपलब्ध असणाऱ्या माहितीनुसार लोन टॅप, अर्ली सॅलरी, क्विक क्रेडिट, कॅशकुमार, फ्लेक्स सॅलरी आणि क्रेडिट बाजार या सर्व महत्त्वाच्या फायनान्शिअल फर्म आहेत. ज्यांच्याद्वारे ऍडव्हान्स लोन ऑफर केले जाते.
झटपट मिळवू शकता सॅलरी लोन :
सॅलरी लोन मिळवण्यासाठी तुम्हाला बँकेमध्ये जाण्याची गरज भासणार नाही. ऑनलाइन पद्धतीने तुम्ही सॅलरी ऍडव्हान्स लोन प्राप्त करू शकता. समजा तुम्ही एखाद्या संकटामध्ये फसला आहात आणि तुम्हाला पैशांची नितांत गरज आहे. अशावेळी तुम्ही ऍडव्हान्स सॅलरी लोनसाठी अप्लाय करू शकता. अशा पद्धतीने तुम्हाला झटपट लोन प्राप्त करता येईल. त्याचबरोबर ऑर्गनायझेशन आणि फायनान्स कंपन्या कर्मचाऱ्यांना वेळे प्रसंगी त्वरित लोन प्राप्त करून देण्यासाठी सज्ज असतात. हे लोन तुम्ही सॅलरी ऍडव्हान्स लोनच्या स्वरूपात प्राप्त करू शकता.
