NBCC Share Price | शुक्रवारी मुहूर्त ट्रेडिंगच्या एका तासात NBCC शेअर 3 टक्क्यांनी वाढून 100 रुपयांवर पोहोचला होता. 2024 मध्ये आतापर्यंत एनबीसीसी शेअरने 80 टक्के परतावा (NSE: NBCC) दिला आहे. मागील 1 वर्षात NBCC शेअरने 120% परतावा दिला आहे. (एनबीसीसी लिमिटेड कंपनी अंश)
NBCC शेअर तेजीत
NBCC लिमिटेड कंपनीला मोठे कॉन्ट्रॅक्ट मिळाल्याने शेअर्स तेजीत आहेत. NBCC लिमिटेड कंपनीला 235.46 कोटी रूपपयाचे कॉन्ट्रॅक्ट मिळाले आहेत. NBCC लिमिटेड कंपनीने स्टॉक मार्केटला दिलेल्या माहितीनुसार, ‘कंपनीला पॉवर ग्रिड कॉर्पोरेशन ऑफ इंडिया लिमिटेड कंपनीकडून गुरुग्राममधील कॉर्पोरेट कार्यालयाच्या इमारतीच्या नूतनीकरणासाठी 186.46 कोटी रुपयांचा कॉन्ट्रॅक्ट मिळाला आहे. तसेच एनबीसीसी लिमिटेड कंपनीला वाराणसी येथील महात्मा गांधी काशी विद्यापीठ विद्यापीठाकडून 44 कोटी रुपयांचा कॉन्ट्रॅक्ट प्राप्त झाला आहे.
1726 कोटी रुपयांचा कॉन्ट्रॅक्ट मिळाला
एनबीसीसी लिमिटेड कंपनीला 28 ऑक्टोबर रोजी गोवा राज्य सरकारकडून 1,726 कोटी रुपयांचे सहा पुनर्विकास कॉन्ट्रॅक्ट प्राप्त झाले आहेत. या कॉन्ट्रॅक्टमध्ये हाऊस, शासकीय गॅरेज, पोरवरीम येथे प्रशासकीय इमारतीचे बांधकाम, पणजीम येथील सर्किट हाऊस, सेंट इनेज येथील शासकीय निवासस्थानाचा पुनर्विकास आणि पट्टो येथील तिसवाडी येथील मिनी कन्व्हेन्शन सेंटरचा पुनर्विकास यांचा समावेश आहे. एनबीसीसी लिमिटेड कंपनी गोवा सरकारच्या कोणत्याही अर्थसंकल्पीय मदतीशिवाय हे प्रकल्प विकसित करेल, अशी माहिती कंपनीने दिली आहे.
गेल्या वर्षीच्या ऑर्डर्स
एनबीसीसी लिमिटेड कंपनीने ऑक्टोबर महिन्यात जवळपास 168 कोटी रुपयांचे अनेक कॉन्ट्रॅक्ट प्राप्त केले आहेत. एनबीसीसी लिमिटेड कंपनीची उपकंपनी एचएससीसी (इंडिया) कंपनीला कर्मचारी राज्य विमा महामंडळाकडून 1,322.48 कोटी रुपयांचा कॉन्ट्रॅक्ट मिळाला आहे. तसेच ऑक्टोबर महिन्यातच NBCC लिमिटेड कंपनीच्या उपकंपनीला महाराष्ट्र गडचिरोली येथील गोंडवाना विद्यापीठाच्या परिसर विकासासाठी कॉन्ट्रॅक्ट मिळाला आहे. या कॉन्ट्रॅक्टचे एकूण मूल्य 1,000 कोटी आहे. NBCC कंपनीला SAIL बोकारो स्टील प्लांटकडून 198 कोटी रुपयांचा कॉन्ट्रॅक्ट देखील मिळाला आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
