NTPC Share Price | गेल्या आठवड्यात बीएसई सेन्सेक्स 759.58 अंकांनी म्हणजेच 0.98 टक्क्यांनी घसरला आहे. तसेच, एनएसई निफ्टीमध्ये 228.3 अंकांची म्हणजेच 0.97 टक्क्यांची घसरण पाहायला मिळाली होती. आता मॅक्वायरी ब्रोकरेज फर्मने एनटीपीसी लिमिटेड कंपनीबाबत एक रिपोर्ट जारी केला आहे. या रिपोर्टमध्ये एनटीपीसी शेअरमध्ये तेजीचे संकेत देण्यात आले आहेत.
एनटीपीसी शेअर चार्टवरील संकेत
एनटीपीसीच्या दैनंदिन टाइम फ्रेम चार्टवरून एनटीपीसी शेअर सातत्याने घसरणीनंतर आता कसा वाढत आहे याचे संकेत दिसून येत आहेत. चार्टवर पुलबॅक जोरदार आहे आणि हेवी व्हॉल्यूम येत आहे. शिवाय एनटीपीसी कंपनी शेअरने तेजीच्या वेगासह वरून येणारी ट्रेंड लाइनही ओलांडल्याचे चार्टवर दिसत आहे. एनटीपीसीने गेल्या पाच दिवसांत शेअरमध्ये 6.38 टक्क्यांची तेजी पाहायला मिळाली आहे.
एनटीपीसी शेअर ओव्हरसोल्ड झोनमधून बाहेर
एनटीपीसी शेअर आरएसआयही 20 च्या खाली सावरताना दिसत आहे. एनटीपीसी कंपनी शेअर ओव्हरसोल्ड झोनमधून बाहेर पडत असून वरून येणाऱ्या ट्रेंडलाइनच्या वर ट्रेडिंग सुरू झाला आहे. चार्टवरील हा स्ट्रक्चर एनटीपीसी शेअरमधील तेजीचे स्पष्ट संकेत देत आहे.
मॅक्वायरी ब्रोकरेज फर्मचा रिपोर्ट
मॅक्वायरी ब्रोकरेज फर्मने एनटीपीसी शेअरबाबत तेजीचे संकेत दिले आहेत. ब्रोकिंग फर्मच्या रिपोर्टनुसार आर्थिक वर्ष 25 मध्ये भारताच्या एकूण उत्पादन क्षमतेत 20 गिगावॅट (जीडब्ल्यू) वाढ झाली आहे, तर वित्त वर्ष 24 मध्ये 12 गिगावॅट वाढ झाली आहे. ही वाढ अक्षय ऊर्जेमुळे शक्य झाल्याचे ब्रोकरेजने म्हटले आहे. रिपोर्टमध्ये पुढे म्हटले आहे की, ‘हंगामी कडक उन्हाळ्यात विजेच्या मागणीतील ट्रेंडवर लक्ष ठेवणे महत्वाचे ठरणार आहे.
रिपोर्टनुसार पीएसयू कंपनीच्या डिस्कॉम या वितरण कंपनीचे खासगीकरण पुन्हा रुळावर आले असून उत्तर प्रदेशमध्ये डिस्कॉम वितरण कंपन्यांसाठी प्राथमिक पावले उचलली आहेत.
एनटीपीसी शेअर टार्गेट प्राईस
मॅक्वायरी ब्रोकरेज फर्मने एनटीपीसी लिमिटेड कंपनी शेअरसाठी खरेदीचा सल्ला दिला आहे. मॅक्वायरी ब्रोकरेज फर्मने एनटीपीसी लिमिटेड कंपनी शेअरसाठी ‘आउटपरफॉर्म’ रेटिंग सह 475 रुपये टार्गेट प्राईस जाहीर केली आहे. त्यामुळे, पुढे हा पीएसयू शेअर गुंतवणूकदारांना मोठा परतावा देऊ शकतो असं तज्ज्ञांनी म्हटलं आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
