राऊतांची एक मुलाखत घ्या आणि त्याला ‘एक नारद, शिवसेना गारद’ असे नाव द्या - फडणवीस

मुंबई, ९ जुलै : शिवसेना खासदार संजय राऊत यांनी घेतलेली राष्ट्रवादी काँग्रेसचे अध्यक्ष शरद पवार यांची मुलाखत लवकरच प्रसारित होणार आहे. मात्र त्याआधी संजय राऊत यांनी या बहुचर्चित मुलाखतीचा दुसरा प्रोमो शेअर केला आहे. यामध्ये संजय राऊतांचे रोखठोक प्रश्न आणि शरद पवारांची दिलखुलास उत्तरे पाहायला मिळत आहेत.

पण यात काही मुद्द्यावर बोलताना शरद पवार म्हणाले की, भाजपचा जो १०५ आकडा आहे त्यात शिवसेनेचं पण योगदान होतं, मला जे बाळासाहेब ठाकरे माहिती आहेत, बाळासाहेबांची विचारधारा, कामाची पद्धत भाजपच्या विचारधारेशी सुसंगत होती असं मला कधीच वाटलं नाही, तीन विचारांचे तीन पक्ष असले तरी पण सगळेजण एका विचाराने मुख्यमंत्र्यांच्या धोरणाच्या पाठीमागे आहेत असं शरद पवारांनी सांगितले शरद पवारांची ही मुलाखत ११ ते १३ तारखेदरम्यान प्रसिद्ध होणार असून एक शरद, सगळे गारद या टायटलने ही मुलाखत प्रेक्षकांच्या समोर येणार आहे. मात्र मुलाखतीबाबत उत्सुकता वाढवण्यासाठी त्यातील काही भाग टिझरच्या माध्यमातून प्रसिद्ध करण्यात येत आहेत.

दरम्यान पवारांच्या मुलाखतील संजय राऊत यांनी एक शरद, सगळे गारद असं म्हटले होतं आणि त्यालाच अनुसरून विरोधी पक्षनेते देवेंद्र फडणवीस यांनी राऊतांना जोरदार टोला लगावला आहे. संजय राऊतांच्या या वाक्यावरुन देवेंद्र फडणवीस यांनी मिश्किल टीपण्णी केली आहे. संजय राऊत यांची एक मुलाखत घ्या आणि त्याला ‘एक नारद, शिवसेना गारद’ असे नाव द्या अशा संदेश मला व्हाट्सअप आल्याचा चिमटा फडणवीस यांनी काढला. तसेच, सामना हे सध्या बाळासाहेबांचा सामना राहिला नाही. सामना सध्या वाचतंच, कोण? असे म्हणत सामना वर्तमानपत्र आपण वाचत नसल्याचेही फडणवीस यांनी म्हटले.

News English Summary: Opposition leader Devendra Fadnavis has slammed Raut. Devendra Fadnavis has made a mischievous remark on this sentence of Sanjay Raut. Take an interview with Sanjay Raut and call him ‘Ek Narad, Shiv Sena Garad’.

News English Title: Ek Narad Shivsena Garad opposition leader Devendra Fadnavis slams Pawars interview trailer MP Sanjay Raut News Latest Updates.