मुंबई, २१ जुलै : अयोध्येत राम मंदिर उभारण्याची जोरदार तयारी सुरु झाली आहे. राम मंदिर बांधण्यासाठी ५ ऑगस्टला भूमिपूजन होईल. पंतप्रधान नरेंद्र मोदी यांच्या उपस्थित मंदिर बांधकाम पायाभरणी कार्यक्रम होणार आहे. या कार्यक्रमाला महाराष्ट्राचे मुख्यमंत्री उद्धव ठाकरे हे उपस्थित राहतील अशी माहिती असली तरी त्याबाबत अधिकृत माहिती प्रसिद्ध झालेली नाही. दरम्यान, श्रीराम जन्मभूमी तीर्थ क्षेत्र ट्रस्टकडून राम मंदिराच्या भूमिपूजन सोहळ्यासाठी उद्धव ठाकरे यांनाही निमंत्रण दिले जाणार आहे.

या सोहळ्याला मोदी यांच्यासह गृहमंत्री अमित शाह, केंद्रीय संरक्षणमंत्री राजनाथ सिंह, राष्ट्रीय स्वयंसेवक संघाचे सरसंघ चालक मोहन भागवत यांच्यासह ३०० जणांना निमंत्रण पाठविण्याची तयारी सुरु झाली आहे. या व्यतिरिक्त अनेक राज्यांचे मुख्यमंत्रीही या खास कार्यक्रमात भाग घेतील. बिहारचे मुख्यमंत्री नितीशकुमार यांचादेखील या यादीत समावेश आहे.

दरम्यान राष्ट्रवादी काँग्रेसचे माजी खासदार माजिद मेमन यांनी ट्विट करत धर्मनिरपेक्ष सरकारच्या प्रमुखांनी धार्मिक सोहळ्याला जाणं टाळावं असं आवाहन उद्धव ठाकरेंना केलं आहे. माजिद मेमन यांनी ट्विट करत म्हटलं आहे की, “राम मंदिराच्या भूमिपूजनासाठी निमंत्रण देण्यात आलेल्यांमध्ये उद्धव ठाकरेंचाही समावेश आहे. कोरोनाच्या नियमांचं पालन करत उद्धव ठाकरे सहभागी होऊ शकतात. पण धर्मनिरपेक्ष सरकारच्या प्रमुखांनी अशा धार्मिक कार्यक्रमांना प्रसिद्धी देण्यापासून दूर राहावं”

 

News English Summary: Former NCP MP Majid Memon has appealed to Uddhav Thackeray to avoid attending religious ceremonies. Majid Memon tweeted that Uddhav Thackeray was among those invited to pay homage to the Ram temple.

News English Title: NCP Majid Memon On Ayodhya Ram Temple Bhumi Pujan CM Uddhav Thackeray News Latest Updates.

धर्मनिरपेक्ष सरकारच्या प्रमुखांनी अशा धार्मिक कार्यक्रमांपासून दूर राहावं