मुंबई, २७ ऑगस्ट : मुंबईतील मालाडमधील व महाड येथील इमारत दुर्घटना ताजी असतानाच दक्षिण मुंबईतील नागपाडा परिसरात आणखी एका इमारतीचा भाग कोसळल्याची घटना घडली आहे. गुरूवारी दुपारी १ वाजताच्या सुमारास ही घटना घडली. यात चार जण ढिगाऱ्याखाली अडकल्याची भीती व्यक्त करण्यात आली असून, माहिती मिळताच अग्निशमन दलानं घटनास्थळी धाव घेत मदत कार्य सुरू केलं आहे.

नागपाड्यातील शुक्ला रस्त्याशेजारील आयेशा हॉटेलजवळ असलेल्या मिश्रा इमारतीचा काही भाग एकच्या सुमारास कोसळला. त्यानंतर अग्निशमन दलाच्या गाड्या, पोलीस आणि महापालिकेचे कर्मचारी घटनास्थळी दाखल झाले. सध्या दुर्घटनास्थळी मदतकार्य सुरू असून तीन-चार जण ढिगाऱ्याखाली अडकल्याची भीती व्यक्त करण्यात येत आहे.

 

News English Summary: While the building accidents in Malad and Mahad in Mumbai are still fresh, another part of the building has collapsed in Nagpada area of South Mumbai. The incident took place around 1 pm on Thursday.

News English Title: Part Of Three Storey Building Collapses In Nagpada Area In Mumbai News Latest Updates.

दुर्घटना | मुंबई नागपाड्यातील मिश्रा इमारतीचा काही भाग एकच्या सुमारास कोसळला