गॅस सिलिंडरच्या किंमतीत 50 रुपयांनी वाढ | गृहिणींचे बजेट कोलमडणार

नवी दिल्ली, १५ फेब्रुवारी: मागील काही दिवसांपासून सातत्याने वाढत असलेल्या पेट्रोल आणि डिझेलच्या किंमतीमुळे नागरिक आधीच त्रस्त आहेत. अशातच आता घरगुती गॅस सिलिंडरच्या किंमतीत 50 रुपयांनी वाढ करण्यात आली आहे. त्यामुळे गॅस सिलिंडरचे नवे दर आज दुपारी 12 वाजल्यापासून सर्वत्र लागू केले जाणार आहेत. फेब्रुवारी महिन्यात ही दुसऱ्यांच्या गॅसच्या किंमतीत वाढ करण्यात आली आहे. याआधी 4 फेब्रुवारीला गॅसचे दर वाढवण्यात आले होते. गॅस सिलिंडरचे दर वाढल्याने दिल्लीतील ग्राहकांना तो आता 769 रुपयांना मिळणार आहे.

दुसरीकडे देशभरात पेट्रोल आणि डिझेलचे दर गगनला भिडत असल्याने लोकांचा खिसा खाली होत आहे. त्यामुळे आता मुंबईसारख्या आर्थिक राजधानी असलेल्या शहरातही लोक वाहनांनी प्रवास करताना दहावेळा विचार करत आहेत. पेट्रोलचा दर परवडत नसल्याने गाड्या बाहेर काढायच्या की नाही, हा प्रश्न अनेकांना पडला आहे. पेट्रोलचे दर सातत्याने वाढत असल्याने आता बरेच ग्राहक पेट्रोलची खरेदी टाळत असल्याचे पेट्रोल पंपांवरील कर्मचाऱ्यांचे म्हणणे आहे.

तेल उत्पादक कंपन्यांनी वाढवलेल्या किमतीमुळे देशात सलग ७व्या दिवशी पेट्रोल, डिझेलच्या दरामध्ये विक्रमी वाढ झाली. नवीन किमतीनुसार आज दिल्लीमध्ये पेट्रोलचा दर प्रतिलिटर ८९ रूपये होता, म्हणजे कालपेक्षा त्यात २६ पैश्यांची वाढ झाली. मुंबईमध्ये साध्या पेट्रोलची किंमत प्रतिलिटर ९५ रूपयांपेक्षा जास्त होती. तर परभणी येथे प्रीमियम (पदार्थमिश्रित) पेट्रोलच्या किमतीने शंभरी ओलांडली.

News English Summary: Citizens are already suffering due to the continuous rise in petrol and diesel prices over the last few days. Similarly, the price of a domestic gas cylinder has been increased by Rs 50. Therefore, the new rates for gas cylinders will be implemented everywhere from 12 noon today. This is the second increase in gas prices in February. Earlier, gas prices were hiked on February 4. With the increase in the price of a gas cylinder, consumers in Delhi will now get it at Rs 769.

News English Title: The price of a domestic gas cylinder has been increased by rupees 50 news updates.