YouTube | मुलं मोबाईलचा गैरवारप तर करत नाहीत ना? | पालकांसाठी नवं फीचर लाँच

मुंबई, २७ फेब्रुवारी: अमेरिका स्थित तब्बल २३ संस्थांनी यूट्युबविरोधात यूएस फेडरल ट्रेड कमिशनकडे एप्रिल २०१८ मध्ये तक्रार दाखल केल्याने अमेरिकेत खळबळ माजली होती. यूट्युबवर व्हिडीओ पाहणाऱ्या १३ वर्षाखालील लहान मुलांची माहिती ‘यूट्युबवर’ म्हणजे गुगलकडून गोळा केली जाते. या माहितीत फोन क्रंमांक, मुलांचे लोकेशन आणि डिव्हाईसची माहिती गुगलकडून गोळा केली जात असून त्यांचा आधार घेऊन त्यांना इतर संकेतस्थळांवर ट्रॅक केले जाते तसेच अशा प्रकारची माहिती गोळा करताना मुलांच्या वयानुसार पालकांकडून परवानगीदेखील घेतली जात नाही असं या संस्थांचं म्हणणं होतं.

त्यामुळे गुगल कंपनीकडून अमेरिकेतील चिल्ड्रन्स ऑनलाईन प्रायव्हसी प्रोटेक्शन अॅक्टचे उल्लंघन होत असल्याचे तक्रारदार संस्थांचे म्हणणे होते. वास्तविक तो गुगलच्या आर्टिफिशियल इंटेलिजन्सचा भाग होता, मात्र वापरकर्त्यांच्या हक्कांचा भंग करणारा होता. मात्र त्यानंतर लहान मुलं आणि पालक यांच्यात ताळमेळ राहावा आणि आपली मुलं युट्यूब वापरताना त्याचा गैरपवर तर करत नाहीत ना यावर लक्ष ठेवण्यासाठी युट्यूबने पालकांसाठी विशेष फीचर्स आणले आहेत. नव्या फीचरसाठी कंपनी तीन वेगवेगळ्या सेटिंग्स जारी करेल. सूपर्वाईज्ड गुगल अकाउंट या तीन सेटिंग्स एडजस्ट करण्यासाठी पालकांना देईल.

Explore (एक्सप्लोर):
ही सेटिंग त्या मुलांसाठी आहे ज्यांचं वय 9 वर्षाहून अधिक आहे. या सेटिंगच्या व्हिडीओमध्ये व्लॉग्स, ट्यूटोरियल, गेमिंग, व्हिडीओज, म्यूजिक क्लिप, न्यूजचा समावेश असेल.

Explore more (एक्सप्लोर मोअर):
ही सेटिंग 13 वर्षाहून अधिक वयोगटासाठी आहे. ही सेटिंग इनेबल केल्यावर व्ह्यूवर्सकडे व्हिडीओ पाहण्यासाठी अधिक पर्याय मिळतील. या कॅटेगरीमध्ये लाईव्ह स्ट्रीमही अ‍ॅक्सेस करता येईल.

Most of YouTube (मोस्ट ऑफ यूट्यूब):
या सेटिंगमध्ये मुलं यूट्यूबवर जवळपास सर्वच व्हिडीओ पाहू शकतील. मुलं केवळ Age Restrictions वाले संवेदनशील व्हिडीओ पाहू शकणार नाहीत. एका हिंदी वेबसाईटने याबाबतचे वृत्त दिले आहे.

News English Summary: In April 2018, 23 US-based organizations filed a complaint against YouTube with the US Federal Trade Commission. Google collects information about children under the age of 13 who watch videos on YouTube. The information includes phone numbers, children’s location and device information collected by Google and tracked on other websites based on them, and the parents’ permission is not taken into account when collecting such information, according to the children’s age.

News English Title: Google owned YouTube brings supervised account children here what parents need know news updates.