नवी दिल्ली, १५ मे | कोरोना विरुद्धच्या लढाईत भारत अजून हिंमत हरलेला नाही, भारतवासी हिंमत हारलेले नाहीत असं पंतप्रधान नरेंद्र मोदी यांनी सांगितलं होतं. कोरोनाशी लढण्यासाठी सरकार शक्य ते प्रयत्न करत असल्याचंही त्यांनी यावेळी स्पष्ट केलं होतं.

देशातल्या कोरोना परिस्थितीवरही काल त्यांनी भाष्य केलं. देशातल्या ग्रामीण भागामध्ये करोना फोफावत असल्याचंही त्यांनी सांगितलं. नागरिकांना लस घेण्याचं आवाहनही त्यांनी यावेळी केलं. लस घेतली तरीही मास्क वापरणं बंधनकारक असल्याचंही त्यांनी सांगितलं. देशात आत्तापर्यंत १८ कोटी लोकांनी लस घेतल्याची माहिती त्यांनी यावेळी दिली. कोरोनाशी लढण्यासाठी सरकार शक्य ते सगळे प्रयत्न करत आहे. भारत अजूनही हिंमत हरलेला नाही, भारतवासी हिंमत हरणार नाहीत असंही ते यावेळी बोलताना म्हणाले. यावेळी कोरोनावर बोलताना मोदी म्हणाले होते की हा व्हायरस एक बहुरूपी असून तो वारंवार आपलं रूप बदलतो आहे, त्यामुळे त्यापासून आपण सावध राहायला हवं असं देखील ते आवर्जून म्हणाले होते.

याच विषयाचा संदर्भ घेत काँग्रेसचे नेते सुरेंद्र राजपूत यांनी मोदींना नाव न घेता लक्ष केलं आहे. या संदर्भात मोजक्या शब्दात ट्विट करताना सुरेंद्र राजपूत यांनी म्हटलं आहे की, “आपला शत्रू एक बहुरूपी आहे, कपडे बदलून फोटो काढत असतो”.

 

News English Summary: Speaking on Corona this time, Modi had said that the virus is a multi-faceted one and it changes its form frequently, so we should beware of it.

News English Title: Congress leader Surendra Rajput criticized Modi without mentioning his name news updates.

आपला शत्रू एक बहुरूपी आहे, तो कपडे बदलून फोटो काढत असतो – सुरेंद्र राजपूत