केंद्राने जगभरात लसी फुकट वाटल्या, त्यांच्या पापाचं फळ जनतेला भोगावं लागतंय - रुपाली चाकणकर

पुणे, १७ मे | राष्ट्रवादी काँग्रेसच्या महिला प्रदेशाध्यक्षा रुपाली चाकणकर यांनीही केंद्र सरकारवर व्हॅक्सिनवरून टीका केली आहे. घरात नाही दाणा अन् मला व्हॅक्सिन गुरु म्हणा, अशी टीका रुपाली चाकणकर यांनी केंद्रातील मोदी सरकारवर केली आहे.

पंतप्रधान नरेंद्र मोदी सरकारची लसीकरणावरून पोलखोल करणारा एक व्हिडिओ व्हायरल झाला आहे. त्यानुसार दिनांक २७ मार्च २०२१ रोजी संयुक्त राष्ट्रातील भारताचे राजदूत नागराज नायडू यांनी मोदी सरकारच्या वतीने जाहीरपणे UNO मध्ये माहिती देताना म्हटलं होतं की “आम्ही आजच्या तारखेपर्यंत भारतीय नागरिकांच्या लसीकरणापेक्षा सर्वाधिक लस जगभरात पुरवली आहे”.

त्याच विषयाचा संदर्भ घेत रुपाली चाकणकर यांनी ट्विट करून टीका केली आहे. त्यांनी पोस्टबरोबर एक व्हिडीओही शेअर केला आहे. घरात नाही दाणा, पण मला “व्हॅक्सिन गुरू” म्हणा. भारतीय नागरिकांना लसीकरणापासून वंचित ठेवून केंद्र सरकारने जगभरात या लसी फुकट वाटल्या. केंद्र सरकारच्या पापाचं फळ जनतेला भोगावं लागत आहे. या पापाचं प्रायश्चित्त भाजपला करावंच लागेल, असा इशारा चाकणकर यांनी दिला आहे.

घरात नाही दाणा पण मला “वॅक्सिन गुरू” म्हणा…
भारतीय नागरिकांना लसीकरणापासून वंचित ठेवून केंद्र सरकारने जगभरात या लसी फुकट वाटल्या. केंद्र सरकारच्या पापाचं फळ जनतेला भोगावं लागत आहे. या पापाचं प्रायश्चित्त भाजपला करावंच लागेल.#vaccine @PMOIndia pic.twitter.com/60FTKjJUCU

— Rupali Chakankar (@ChakankarSpeaks) May 17, 2021

News English Summary: NCP state president Rupali Chakankar has also criticized the central government over the vaccine. Rupali Chakankar has criticized the Modi government at the Center.

News English Title: NCP state women’s president Rupali Chakankar slams Modi govt over export of vaccine to foreign countries news updates