CBI'वर निर्बंध | शिवसेनेविरोधात ED अस्त्राची चर्चा | आ. प्रताप सरनाईकांच्या घरी धाड

ठाणे, २४ नोव्हेंबर: शिवसेना आमदार प्रताप सरनाईक यांच्या घरी ईडीने छापेमारी केली आहे. प्रताप सरनाईक यांच्या घरी अंमलबजावणी संचलनालयाच्या पथकाने सकाळीच धाडसत्र सुरु केलं. सरनाईक यांचे सुपुत्र विहंग सरनाईक आणि पूर्वेश सरनाईक यांच्या घरीही ईडीने कारवाई सुरु केली. इंडिया टुडेने दिलेल्या वृत्तानुसार, मनी लॉण्ड्रिंग प्रकरणी ही कारवाई केल्याची शक्यता आहे. मात्र अद्याप ईडीकडून याला दुजोरा देण्यात आलेला नाही.

शिवसेना आमदार प्रताप सरनाईक यांच्यासह मुंबईत इतर 10 ठिकाणी ईडीची छापेमारी सुरु आहे. मनी लॉन्ड्रिंगप्रकरणी ही कारवाई सुरु असल्याची माहिती मिळत आहे. शिवसेनेचे आमदार प्रताप सरनाईक यांच्या ठाण्यातील घरीही ईडीने छापे मारले आहे. त्यामुळे एकच खळबळ उडाली आहे. सरनाईक यांच्या घरी आणि कार्यालयावर ईडीने केलेल्या कारवाईचं भाजपनं समर्थन केलं आहे.

सरनाईक कुटुंबियांच्या व्यवसायाशी तसेच इतर व्यवहाराशी संबंधित कागदपत्रे ईडीकडून तपासण्यात येत आहे. त्याशिवाय गेल्या 4 वर्षात केलेले व्यवहार ईडी तपासणार असल्याची माहिती सूत्रांनी दिली आहे. दरम्यान, मागील काही दिवस अर्णव गोस्वामी यांच्या विरोधात आक्रमक झालेले आ. प्रताप सरनाईक यांचा पहिला क्रमांक लागल्याची चर्चा आहे. तसेच शिवसेनेच्या इतर नेत्यांना देखील ईडीने नोटीस पाठविल्याची चर्चा आहे. महाविकास आघाडीतील आमदार फुटत नसल्याने थेट शिवसेनेवर राजकीय दबाव टाकण्याचं हे तंत्र असल्याची शिवसेनेत चर्चा रंगली आहे. मुंबई आणि ठाणे महानगरपालिकेच्या निवडणुका तोंडावर आल्याने त्याच देखील कनेक्शन जोडण्यात येतं आहे.

News English Summary: ED has raided the house of Shiv Sena MLA Pratap Saranaik. A team from the Directorate of Enforcement started the raid at Pratap Saranaik’s house in the morning. The ED also initiated action at the homes of Sarnaik’s sons Vihang Sarnaik and Purvesh Sarnaik. According to India Today, the action is likely to be taken in a money laundering case. However, this has not yet been confirmed by the ED.

News English Title: ED Raids on Residence Offices Of Shiv Sena MLA Pratap Sarnaik News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.