कोल्हापूर : गोकुळ दूध संघाच्या कोल्हापुरातील मुखालयात प्राप्तिकर विभागाने धाडसत्र सुरु केलं आहे. दूध संघाची तब्बल ४ तासांहून अधिक काळ आर्थिक कागदपत्रांसह गोपनीय चौकशी सुरु होती. कर चुकवल्याप्रकरणी ही धाड टाकण्यात आल्याचे प्रसार माध्यमांच्या सुत्रांकडून कळते.
मध्यरात्री ही धाड टाकण्यात आली आहे. गोकुळ दूध संघाची सुमारे २००० कोटींची वार्षिक उलाढाल आहे. परंतु, चालू आर्थिक वर्षात आयकरची रक्कम कमी भरल्याचे निदर्शनास आल्याने ही कारवाई केल्याचे आयकर विभागाचे म्हणणे आहे.
