पुलवामा : आदिल अहमद दार उर्फ वकास या दहशतवाद्याने हा हल्ला घडवला. आदिल अहमद हा २०१६ नंतर दहशतवादी संघटनेत भरती झाला होता. आदिलने स्फोटांनी भरलेली कार सीआरपीएफच्या ताफ्याच्या दिशेने नेली आणि ताफ्याजवळ जाताच स्फोट घडवला, अशी माहिती आहे.

काश्मीरमध्ये दहशतवाद्यांनी पुन्हा एकदा भारतीय जवानांवर भ्याड हल्ला केला आहे. दरम्यान आता जवान आणि दहशतवाद्यांमध्ये जोरदार चकमक सुरू आहे. पुलवाम्यातील अवंतीपुराजवळच्या गोरीपोरा भागात सुरक्षा जवानांच्या ताफ्यावर जैश-ए-मोहम्मदच्या दहशतवाद्यांनी एकत्रित हल्ला चढवला. जवानांची बस ज्या रस्त्यावरून जाणार होती, त्या ठिकाणी एका कारमध्ये दहशतवाद्यांनी आयईडी बॉम्ब ठेवला होता.

जवानांची बस त्या उभा असलेल्या गाडीजवळ येतात त्या कारचा स्फोट झाला. या हल्ल्यात ३० जवान शहीद झाल्याची माहिती समोर आली आहे. जवानांना तात्काळ इस्पितळात दाखल करण्यात आलं असून, जखमींवर उपचार सुरू आहेत.

jammu kashmir pulwama ied blast followed gunshots goripora area awantipora