रिअल इस्टेट सेक्टर पूर्ण बिघडण्याच्या स्थितीत, पवारांचं पंतप्रधानांना पत्र

मुंबई, २८ मे: लॉकडाउनमुळे संपूर्ण अर्थव्यवस्थेलाच झळ बसली आहे. अनेक क्षेत्रांवर याचा मोठा परिणाम झाला असून, सेवा क्षेत्रातील अनेक कंपन्यांनी कामगार कपातही सुरू केली आहे. देशातील रिअल इस्टेट क्षेत्रालाही लॉकडाउनचा फटका बसला असून, राष्ट्रवादीचे अध्यक्ष शरद पवार यांनी याकडे पंतप्रधान नरेंद्र मोदींनी लक्ष देण्याची विनंती केली आहे. याविषयी शरद पवार यांनी पत्र पाठवलं आहे.

कोरोनामुळे देशातील बांधकाम व्यवसाय मोडकळीस आला आहे. मागील तीन महिन्यांपासून या क्षेत्रातील कामं बंद आहेत. त्यामुळे या क्षेत्राचे मोठे नुकसान झाले आहे. या क्षेत्रातील मजुरांचे स्थलांतरही मोठ्या प्रमाणात झाले आहे. यामुळे हे क्षेत्र अडचणीत आले आहे, त्याचा देशाच्या विकासदरावर परिणाम होत आहे. या व्यवसायाला अडचणीतून बाहेर आणण्यासाठी कर्जाचे पुनर्गठन, अतिरिक्त संस्थात्मक निधी उपलब्ध करून देण्याची गरज आहे. तसंच व्याज माफ केले पाहिजे. बांधकाम क्षेत्रासाठी विशेष धोरणाचीही गरज आहे, असं पवारांनी या पत्रात नमूद केलं आहे.

कोरोनाच्या साथीमुळे देशभरात लॉकडाऊनदरम्यान देशातील रिअल इस्टेट सेक्टरच्या सध्याच्या परिस्थितीबद्दल शरद पवार यांनी पंतप्रधान नरेंद्र मोदी यांना पत्र लिहून तीव्र चिंता व्यक्त केली. “कॉन्फेडरेशन ऑफ रिअल इस्टेट डेव्हलपर्स असोसिएशन ऑफ इंडियाने (सीआरईडीएआय) देखील यासंदर्भात एक पत्र लिहिले असून, पंतप्रधान नरेंद्र मोदी यांनी त्वरित हस्तक्षेप करून रिअल इस्टेट क्षेत्राला मदत करावी,” अशी विनंती पवार यांनी केली आहे.

I have written a letter to Hon. Prime Minister Shri. Narendra Modi to express my deep concern over the current scenario of Real Estate Sector in India, amidst the unprecedented pandemic #Covid_19 and consequent nationwide lockdown. @PMOIndia @narendramodi #coronavirus pic.twitter.com/9lYkUXOubV

— Sharad Pawar (@PawarSpeaks) May 28, 2020

News English Summary: The lockdown has hit the entire economy. This has had a major impact on many sectors, with many companies in the service sector also starting to cut workers. The country’s real estate sector has also been hit by the lockdown, with NCP president Sharad Pawar urging Prime Minister Narendra Modi to pay attention.

News English Title: NCP President Sharad Pawar Wrote Letter To PM Narendra Modi News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.