केंद्राने निर्णय बदलला; ई-कॉमर्स कंपन्यांकडून फक्त जीवनावश्यक वस्तुंचीच विक्री

नवी दिल्ली, १९ एप्रिल: केंद्र सरकारकडून रविवारी ई-कॉमर्स कंपन्यांना लॉकडाऊनच्या नियमांतून देण्यात आलेली सूट मागे घेण्यात आली. यापूर्वी १५ एप्रिलला केंद्र सरकारकडून ई-कॉमर्स कंपन्यांना जीवनावश्यक गोष्टींशिवाय इतर वस्तूंच्याही घरपोच डिलिव्हरीला परवानगी देण्यात आली होती. त्यामुळे कोरोनाचे कन्टेन्मेंट झोन वगळून इतर ठिकाणी वस्तू घरपोच करण्याचा ई-कॉमर्स कंपन्यांचा मार्ग मोकळा झाला होता. त्यासाठी ई-कॉमर्स कंपन्यांकडून जोरदार तयारीही करण्यात आली होती.

मात्र केंद्र सरकारने लॉकडाऊन काळात ई-कॉमर्स कंपन्यांच्या माध्यमातून बिगर जीवनावश्यक वस्तूंच्या विक्रीला स्थगिती दिली आहे. चार दिवसांपूर्वी ई-कॉमर्स कंपन्यांच्या माध्यमातून मोबाइल फोन, रेफ्रिजरेटर आणि रेडिमेड कपड्यांच्या विक्रीला परवानगी दिली होती. परंतु, आता ही सूट मागे घेण्यात आली आहे. त्यामुळे आता ऑनलाईन प्लॅटफॉर्मवर केवळ जीवनावश्यक वस्तूच मिळतील. राष्ट्रव्यापी लॉकडाऊन ३ मेपर्यंत चालणार आहे.

#IndiaFightsCorona
Supply of non-essential goods by e-commerce companies to remain prohibited during #Lockdown2 to fight #COVID19. pic.twitter.com/6Jdvuzw6VJ

— Spokesperson, Ministry of Home Affairs (@PIBHomeAffairs) April 19, 2020

केंद्र सरकारने सूट दिलेल्या कामांत आयुषसह आरोग्य सेवा, कृषी, मत्स्य व्यवसाय (समुद्रात आणि आंतर्देशीय), जास्तीत जास्त 50 टक्के कामगारांसह वृक्षारोपणाची कामे (चहा, कॉफी आणि रबर), पशुपालन, मनरेगांतर्गत कामे, मात्र, यात सोशल डिस्टेंसिंगच्या नियमांचे पालन आणि मास्कचा वापर करणे बंधनकारक असेल. तसेच वीज, पाणी आणि गॅस या आवश्यक सेवांचा समावेश आहे.

News English Summary: The central government has stopped the sale of non-essential goods through e-commerce companies during lockdown. Four days ago, the sale of mobile phones, refrigerators and readymade garments was allowed through e-commerce companies. However, the suit has now been revoked. Therefore, now only the essentials are available on the online platform. The nationwide lockdown will run until May 7.

News English Title: Story union home ministry has changed the decision regarding supply of non essential items by e commerce companies during lockdown News Latest Updates.